HAKIM MITA 3:1 - Alkitab Singog In Mongondow Masa In Tanaa

¹ Sin makusud monungkuḷ kon bangusa mita in Israel inta diá kon dodai in onda noparang kon Kanaan, pinomayá mako i Tuhan in tongonumai in bangusa nogutun kon butá tatua.

HAKIM MITA 3:1 Mawu Ofanana

TAWARIKH 2 32:31

Bo kon tungkuḷ in totabá mita inta nongkon Babel namangoi sin moḻibó kon inia kon kinopopia in takitnea inta mokoherang, ki Tuhan nopomayá kon i Hizkia nogaid tontaní, sinbá motaau monungkuḷ kon ginanea.

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

IḶUAIAN 15:25

Ki Musa nosambayangdon kon i Tuhan, bo ki Tuhan nopoontongdon in kayu toputoḷ kon inia. Kayu tatua pinogambat i Musa kon bonu in tubig tatua, bo tubig tatua in nobaḻídon nopira in nanamnea, dá motaaudon inumon. Kon tampat tatua ki Tuhan nobogoi in atorang mita kon i monia, bo kon tua doman Sia nonungkuḷ kon i monia.

AMSAL 17:3

Buḷawan bo saḷaka in ujionbí kon tuḷú, táe gina in intau in ujionbí i Tuhan.

YEREMIA 6:27

Bo ki Tuhan in noguman kon i Yeremia, “Tungkuḷaidon in umat-Ku, ná pogogujimu kon logam. Taridiaidon in dodia monia!

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

YOHANES 2:24

Táe diábí pirisayaan i Yesus in mosia, sin kinotaauan-Neabí in gina in bayongan intau.

ULANGAN 7:22

Bangusa mita tatua in poguntunon-Neabí piḻim-piḻikon nongkon tayowonmu. Diábí motaau in baḷúon monimu yopúon kodaiton, sinbá mahaḷuk mita inta moraat diá modugang mobarong bo mobaḻí gogondok kon inimu.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.

PETRUS 1 4:12

Utat mita inta kotabiku! Tanaa in moiko mororiga totok sin ponungkuḷan kon i monimu. Táe dikabí moherang, naonda bo oyúon inta totok motoyang in nobaḻí kon inimu.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

HAKIM MITA 1:1

Naonda in ki Yosua minatoi, umat in Israel noḻibó kon i Tuhan, “Tuhan, suku táonda degá in kon sigad nami naa inta muna-munamai mayá monubu kon intau in Kanaan?”

HAKIM MITA 2:10

Noiduduimai kon tua bayongan in topobiagnea minatoi domandon mita. Bo mosia inta nobiag noidudui kon tua diádon nonotaau kon i Tuhan, sin mosia in diá nokouma kon onu inta pinomia i Tuhan kon bangusa in Israel.

HAKIM MITA 2:23

Tuamai in ki Yosua diápa pinopountung i Tuhan kon bangusa mita tatua. Nodapot in pinomayádon mako i Tuhan in mosia nogutun kon butá tatua, bo diádon ḷagi pinoguntun in mosia.

HAKIM MITA 3:2

Pinomia i Tuhan intua tongábí makusud motundú kon bayongan in intau mita topobiagan kon Israel moparang, inta dungkuḷ totok in mosia inta diápa kon dodai in onda sinumakin noparang.