HAKIM MITA 21:2 - Alkitab Singog In Mongondow Masa In Tanaa

² Tanaa in mosia minayá in Betel bo iḻimitú nopongoibú in gina nodapot in doḷom kon tayowon i Tuhan. Mosia in nongombaḷ bo nokuani,

HAKIM MITA 21:2 Mawu Ofanana

KINOBAḺIAN 27:38

Ki Esau doíbí mogogai in mopoigum kon i amánea, “Eta tongá tobatú in barakat kon i papa? Barakatai domandon in akuoi, Papa!” Bo buidon in sia nongombaḷ.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

HAKIM MITA 2:4

Naonda in malaekat tatua nopaḷut nopotaau in habar tatua, bayongan in bangusa Israel totokdon in nongombaḷ.

HAKIM MITA 20:18

Tontara in umat in Israel tatua minayá in tampat pooibadaan kon Betel, bo noḻibó kon i Allah, “O Tuhan, suku táonda degá inta kon sigad nami naa inta kon dungkuḷ totok mayá monubu kon intau in Benyamin?” Ki Tuhan in notubag, “Suku in Yohuda.”

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.

HAKIM MITA 21:12

Dá kon sigad in intau mita inta nogutun kon Yabesh tatua, nouḻí monia in mongodeaga 400 in kobayongnea inta diápa nosiug takin ḷoḷaki. Dinia monia in mongodeaga mita tatua kon pinononḷoḷaigan monia kon Silo inta noiukat kon butá in Kanaan.

HAKIM MITA 21:3

“O Tuhan, Allah in Israel, nongonu sin bayongan in naa in mustibí mobaḻí? Suku i Benyamin, suku tobatú kon bangusa nami, gogiódon in moputú!”

SAMUEL 1 11:4

Natuata in totabá mita tatua nodapot in Gibea, tampat pinogutunan i Saul. Naonda in mosia nopotaau in habar tatua, nongombaḷdon in rayat popisí in kinobuḻiandon in kamang.