HAKIM MITA 21:12 - Alkitab Singog In Mongondow Masa In Tanaa

¹² Dá kon sigad in intau mita inta nogutun kon Yabesh tatua, nouḻí monia in mongodeaga 400 in kobayongnea inta diápa nosiug takin ḷoḷaki. Dinia monia in mongodeaga mita tatua kon pinononḷoḷaigan monia kon Silo inta noiukat kon butá in Kanaan.

HAKIM MITA 21:12 Mawu Ofanana

MAZMUR 78:60

Sia in nonaḷámai kon ḷoḷaigan-Nea kon Silo, tampat pogogutunan-Nea kon sigad in intau.

YEREMIA 7:12

Bayádon in Silo, Kotá inta dungkuḷmai piniḻí-Ku nobaḻí pososumbaan kon i-Nakó. Indoiaidon onu in pinomia-Ku kon tampat tatua popisí in dosa in umat-Ku Israel.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

HAKIM MITA 20:18

Tontara in umat in Israel tatua minayá in tampat pooibadaan kon Betel, bo noḻibó kon i Allah, “O Tuhan, suku táonda degá inta kon sigad nami naa inta kon dungkuḷ totok mayá monubu kon intau in Benyamin?” Ki Tuhan in notubag, “Suku in Yohuda.”

HAKIM MITA 21:11

Mosia in pinarentaan sin moḻimod kon bayongan in intau ḷoḷaki, bo bayongan in bobay inta ain nokoimontandon nosiug takin ḷoḷaki.

HAKIM MITA 21:13

Onda intua bayongan in umat in Israel nopotabá in intau minayá kon intau mita in Benyamin inta kon buḷud mita batu kon Rimon sinbá moyodamedon.

HAKIM MITA 21:8

Dá sinarididon monia mongo oyúon in tobatúmai in inanakan nongkon suku bangusa in Israel inta diá minayá noyosipun kon Mizpa. Bo noniata magí monia dá intau mita in Yabesh kon Gilead, diá tobatúmai in minayá kon Mizpa.