HAKIM MITA 21:1 - Alkitab Singog In Mongondow Masa In Tanaa

¹ Kon tungkuḷ in intau in Israel noyosipun kon Mizpa, mosia in nodandidon kon i Tuhan kon diábí in tobatúmai in kon sigad monia in mobogoi kon i adí monia bobay inta pobuḷoion in intau in Benyamin.

HAKIM MITA 21:1 Mawu Ofanana

MOHOHUTUBA 5:2

Mokakit in mohawatir, mokodugang kon tumogoindop kon inta diá mopia. Mokakit in mosingog, mokodugang doman kon tosingogon inta diá in mangaḻenea.

YEREMIA 4:2

Aka moiko in mongibot podoyon kon tangoi-Ku bo moiko in mobiag mojujur moadil bo mobanar, dá bayongan in bangusa in mopoigumbí kon i-Nakó sinbá barakatan-Ku in mosia, bo mosia in modayow kon i-Nakó.”

YEREMIA 40:6

Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

MARKUS 6:23

Bo ki Herodes nodandi kon adí tatua poḷat nongibot, kainia, “Onukabí in igumonmu yo ogoikubí, modapotkabí in tobotak in dodatuanku tanaa!”

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

SURAT I PAULUS KON JAMAAT RUM 10:2

Mobaranibí in akuoi in moguman kon mosia tua in totu-totuudon totok in mogaid kon oaidan i Allah. Táe ibog monia tua in diá podoyon kon onu inta sinundú i Allah.

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.

HAKIM MITA 20:10

Mopuḷú noporosen nongkon bayongan in ḷoḷaki kon Israel in musti moposadia in kaanon kon i monia inta mayá moparang. Ibanea in mayá monubu kon Gibea sin mohukum kon i monia popisí in aid monia inta moraat inta pinopoaid monia kon sigad in umat in Israel.”

HAKIM MITA 20:48

Onda intua intau in Israel bui minayá bo nonubu bo noḻimod kon bayongan in ki agat in intau mita in Benyamin – ḷoḷaki, bobay, adí mita bo bobiagon doman. Bayongan in kotá kon butá tatua sinurub monia.

HAKIM MITA 20:8

Bo noyododaidon in intau mita inta noyosipun kon tampat tatua sinimindog bo noguman, “Kita komintan in diábí in mobui kon ḷoḷaigan ande kon baḷoi.

HAKIM MITA 21:22

Aka ki amá ande ki utatnea ḷoḷaki mamangoi bo monuntut kon inia, moiko motaau moguman, ‘Poigumon nami, pomayádon mako in mosia kon inami. Diábí inagow nami in mosia kon parang. Bo popisí in moiko diá mobogoi kon i monia kon inami, dá moiko in diábí iḻimimpat kon dandi, dá diábí kotaḷá.’ ”

HAKIM MITA 21:5

Onda intua mosia nonaridi kon sigad in suku mita in bangusa Israel mongo oyúon in diá minayá noyosipun sinumayow kon i Tuhan kon Mizpa in koḻipod. (Kon dodai intua mosia ain nongibot kon intau inta doí nokidongog kon oiní mayá in Mizpa musti hukumon matoi.)

HAKIM MITA 21:7

Popisí in kita ain nongibot kon i Tuhan kon kita in diábí motaau mobogoi kon i adí naton bobay pobuḷoion intau in Benyamin, dá onu in pomiaan naton sinbá ki agat intau in Benyamin tanaa mokouḻípa kon buḷoi?”

SAMUEL 1 14:24

Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.