HAKIM MITA 20:7 - Alkitab Singog In Mongondow Masa In Tanaa

⁷ Moiko komintan inta kon naa in intau mita in Israel. Dá raika in tanaa monimu!”

HAKIM MITA 20:7 Mawu Ofanana

AMSAL 20:18

Tomayá kodapotan in roraian; tuamai, dika moḷongasi aka diápa moḷutú in tomayá.

AMSAL 24:6

Sin kon tungkuḷ in diápa moparang tomayá in munabí koḷutúon, bo aka mobarong in monononggina, yo modugangbí moḷoben in kamang mountung.

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

KORINTUS 1 5:6

Moiko in diábí motaau in dumodia. Dinongogdon monimu degá in singog nanaa, “Ragi topiḻik mokokutad kon bayongan topong aidan kukis!”

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.

HAKIM MITA 19:30

Bayongan in intau inta nokoontong kon tua noguman, “Diápabí kon dodai in onda in aid nanaa in nobaḻí, pinangkoi kon umat in Israel iḻumuai nongkon Mesir dapot kon singgai in naa. Diábí motaau in tongá bio-bióon mako naton natua. Musti in kita moyosingog mongo onu in aidan naton!”

HAKIM MITA 20:8

Bo noyododaidon in intau mita inta noyosipun kon tampat tatua sinimindog bo noguman, “Kita komintan in diábí in mobui kon ḷoḷaigan ande kon baḷoi.