HAKIM MITA 20:41 - Alkitab Singog In Mongondow Masa In Tanaa

⁴¹ Bo kon dodai doman intua tontara mita ḷontú in Israel nomurowdon bo nonubu, dá tontara in Benyamin mita tatua noḻingúdon sin kinotaauandon monia kon taḷowondon in mosia.

HAKIM MITA 20:41 Mawu Ofanana

AMSAL 11:5

Daḷan kobiagan in intau mopia in tondodaionbí in ginanea inta motuḻid, táe intau moraat in modiabí kon awaknea mayá in korimumudan.

AMSAL 11:6

Intau mojujur in mosaḷamat popisí in kototuḻid in ginanea; intau inta diá motaau pirisayaan, in moiḷosok kon kototuránea.

AMSAL 29:6

Intau moraat in moibaaḷ kon dosanea, intau mojujur in mokorasa kon mosanang bo mopia.

AMSAL 5:22

Dosa in intau moraat in naonda bo poyogaḷap inta modomok kon intau tatua.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

LUKAS 21:26

Intau mita in moondok totok in moyogintayow in onu inta mobaḻí kon dunia naa, bo bayongan kawasa kon baḷangon motombauk.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

YOSUA 8:20

Intau mita in Ai nobobui ná tumi, bo inontongdon monia in poyok moḷoben namonik in ḷangit. Ki Yosua bo tontaranea mita in nokoontong domandon kon poyok bo kinotaauanneadon kon tontaranea mita ibanea in nokoagowdon kon kotá tatua. Dá nomurowdon in ki Yosua takin tontaranea mita sin monubu bo moḻimod kon intau mita in Ai. Intau mita in Israel inta kon kotá in Ai tatua namangoi domandon bo nonubu, dá intau mita in Ai kinokopungandon bo diádon nokoḷagui. Diá tobatúmai in intau nongkon i monia in nokoḷagui, nodait minatoi iḻimod in intau Israel,

PETRUS 2 2:12

Táe aid in intau mita tatua in moiḻiudon totok! Mosia tua in naonda bo mahaḷuk inta pinononggadí sin domokon bo ḻimodon. Mosia tua in diábí morai, tongábí mogaid podudui in onu inta kinoibog monia aidan, sahingga in onu inta diá kinomangaḻean monia totokdon in singkuḻeon monia. Dá oaid bidon monia tontaní in mokobodito kon i monia tua naonda bo mahaḷuk mita inta mongoromú.