HAKIM MITA 20:1 - Alkitab Singog In Mongondow Masa In Tanaa

¹ Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.

HAKIM MITA 20:1 Mawu Ofanana

SAMUEL 2 19:14

Natua in aid i Daud dá bayongan intau in Yohuda noibogdon kon inia nodapot in mosia nokidiadon in koyow kon i datu sinbá mobuidon kon komaḻig moyotakin in bayongan pogawainea.

SAMUEL 2 2:9

Kon tua binaḻí i Abner in ki Isyboset nobaḻí datu kon butá mita in Gilead, Asyuri, Yizreel, Epraim bo Benyamin, nodapotbí in kon bayongan in Israel.

SAMUEL 2 24:2

Bo ki Daud in nogumandon kon i Yoab Tongguḷu totokan in tontaranea, “Bayádon takin porwiramu mita kon bayongan in suku Israel bo kon bayongan in butá sin mogiap kon intau. Moibog in akuoi monotaau kon kobayong monia.”

DATU MITA IMITÁNEA 5:5

Ki Tuhan ain nodandi nanaa kon i amáku ki Daud, ‘Ki adímu ḷoḷaki inta duíon-Ku mobaḻí datu monoḻiu kon inimu in moposindog in tampat pososumbaan kon i-Nakó.’ Manangka intua, Tuang Hiram Inta Momulia, akuoi, ki Salomo, aindon nonantú kon moposindog in baḷoi tatua.

DATU MITA 2 25:23

Naonda in porwira mita bo tontara in Yohuda inta doí sinumungkud kon Babel nokodongog kon pinoduían tatua, mosia komintan in namangoi kon i Gedalya kon Mizpa. Porwira mita tatua in ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet nongkon kotá in Netopa, bo ki Yazanya nongkon kotá in Maakha.

TAWARIKH 1 21:2

Dá ki Daud in noguman kon i Yoab bo porwira mita in tontaranea, “Iyapdon in bayongan umat in Israel moidapot kon inta nongoako mako, sinbá kotaauankudon in kobayong in rayat in Israel.”

EZRA 3:1

Kon buḷan impitunea, intau mita in Israel nogutundon notantú kon kotánea-kotánea. Kon singgai imitánea buḷan tatua mosia in noyosipun kon Yerusalem,

NEHEMIA 8:1

Kon buḷan noginpitu intau in Israel aindon nogutun kon kotánea-kotánea. Kon singgai imitánea kon buḷan tatua mosia komintan noyosipun kon Yerusalem, kon bosínea inta kon tayowon in Bonawang Tubig. Mosia in nopoigum sinbá Buk Hukum in gamáan i Imang Ezra, intau inta totok in nonotaau in Hukum inta inogoi i Tuhan kon Israel pinongin i Musa.

YEREMIA 40:6

Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

PINOGIAPAN 32:1

Suku mita i Ruben bo i Gad kobobiagon inta modamaḷ totok. Naonda in inontong monia kon totok in mopia in butá in Yaezer bo butá in Gilead kon ponombobiagan,

PINOGIAPAN 32:40

Tuamai ki Musa nobogoi in butá in Gilead tatua kon inanakan in Makhir, bo mosia nogutundon notantú kon tua.

YOSUA 17:1

Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.

YOSUA 4:13

Kobayong monia komintan tua in 40.000 in ḷoḷaki inta kodia-dia in pakakat in parang bo nosadiadon moparang kon tayowon i Tuhan, mosia iḷumoḷan nopobayá ná rata inta noompá kon diug in Yerikho.

HAKIM MITA 10:17

Kon dodai intua tontara in Amon nosadiadon sin mayá moparang. Mosia in nononḷoḷaigan kon Gilead.

HAKIM MITA 11:11

Dá nobuatdon in ki Yepta noyotakin in intau mita inta sinongguyanga kon Gilead. Bo sia in binaḻídon in intau mita in Gilead pongawasa bo itoi. Bo kon tayowon i Tuhan kon Mizpa, ki Yepta nopoigum in tuntutannea mita kon intau mita in Gilead.

HAKIM MITA 11:34

Naonda in ki Yepta nobui nongkon Mizpa, ki adínea mongodeaga namangoi nonontomu kon inia sindaḷan nomanari takin notobog kon rebana. Tongábí totobatú tua in ki adínea bobay.

HAKIM MITA 18:29

Tangoi in kotá tatua binaḷuian monia nobaḻí Dan, pinodudui kon tangoi in mogoguyang monia, inta ki Dan, adí i Yakub.

HAKIM MITA 20:11

Tuata in nobaḻí, umat in Israel notobatú sin monubu kon Gibea.

HAKIM MITA 20:18

Tontara in umat in Israel tatua minayá in tampat pooibadaan kon Betel, bo noḻibó kon i Allah, “O Tuhan, suku táonda degá inta kon sigad nami naa inta kon dungkuḷ totok mayá monubu kon intau in Benyamin?” Ki Tuhan in notubag, “Suku in Yohuda.”

HAKIM MITA 20:2

Kobayong monia inta nosipun tatua in 400.000 in tontara inta minaya-mayá in sioḷ. Itoi mita nongkon batúan in suku bangusa in Israel noiangoi doman intua.

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.

HAKIM MITA 20:8

Bo noyododaidon in intau mita inta noyosipun kon tampat tatua sinimindog bo noguman, “Kita komintan in diábí in mobui kon ḷoḷaigan ande kon baḷoi.

HAKIM MITA 21:5

Onda intua mosia nonaridi kon sigad in suku mita in bangusa Israel mongo oyúon in diá minayá noyosipun sinumayow kon i Tuhan kon Mizpa in koḻipod. (Kon dodai intua mosia ain nongibot kon intau inta doí nokidongog kon oiní mayá in Mizpa musti hukumon matoi.)

SAMUEL 1 10:17

Dá ki Samuel in nogoiní kon bayongan intau in Israel sinbá moyosipun kon Mizpa,

SAMUEL 1 3:20

Tuamai in bayongan umat in Israel nongkon bayongan butá tatua nongaku kon ki Samuel tua in nabi i Tuhan. Pomuḷoi in ki Samuel mosingog, bayongan in bangusa Israel in mokidongogdon. Ki Tuhan umuranpabí mokipogontong kon Silo, kon tampat inta pinoki pogontongan-Nea muna kon i Samuel bo moyosingognea.