HAKIM MITA 2:7 - Alkitab Singog In Mongondow Masa In Tanaa

⁷ Kon tungkuḷ in ki Yosua nobiagpa, intau in Israel nogundoi kon i Tuhan. Naonda in ki Yosua minatoidon mosia in umuranpabí doman nogundoi kon i Tuhan kon dodai in umuranpa oyúon in itoi mita monia inta nokoontong tontaní kon bayongan inta mokoherang inta pinomia i Tuhan sin motuḷung kon intau in Israel.

HAKIM MITA 2:7 Mawu Ofanana

DATU MITA 2 12:2

Kon bonu in totundú i Imang Yoyada, ki Yoas in umuranbí nogaid kon onu inta mokosanang kon gina i Tuhan kinoouputbí in kinobiagan.

TAWARIKH 2 24:2

Kon tungkuḷ in ki Imang Yoyada nobiagpa, ki Yoas in nogaid kon onu inta mokosanang kon gina i Tuhan.

PILIPI 2:12

Utat mita inta kotabiku, moiko umuranbí kodu-kodudui kon inakó wakutu in akuoi koyota-yotakinpa monimu, tuamai poigumonku kon i monimu, umpaka in kita nogiyayúandon táe umuranbí ramuji aidai onu inta kinoibog i Allah. Sin moiko aindon pinosaḷamat i Allah, tuamai umuran ramuji sinbá iko in mobiag mosompurna. Mokopoendar in mogaid kon tua komintan podudui kon inta kinoibog i Allah.

YOSUA 24:31

Kon dodai in ki Yosua nobiagpa, umat in Israel umuranbí nogundoi kon i Tuhan. Bo naonda in sia minatoi mosia in umuranbí doman nogundoi kon i Tuhan kon dodai in kon sigad monia tua oyúonpa in itoi mita inta ain nokoontong tontaní kon bayongan in yagi-yagi inta ain pinomia i Tuhan kon umat in Israel.

HAKIM MITA 2:17

Táe diábí indoianmai monia in itoi mita tatua. Mosia in umuranbí nosumba kon ilah mita ibanea, bo diá doman mosatia kon i Tuhan. Mosia in diábí dinumudui kon oaid mopia in mogoguyang monia inta mongotoḷutui kon parenta mita i Tuhan.

HAKIM MITA 2:6

Naonda in ki Yosua nogatodon kon intau mita in Israel minayá, minayá domandon in mosia sin ḻimitú kon butá inta tonsilai monia tonta-tontaní.

HAKIM MITA 2:8

Ki Yosua adí i Nun – mogogundoi i Tuhan tua – minatoi kon dodai in umurdon mogatut bo mopuḷú notaong.