HAKIM MITA 2:6 - Alkitab Singog In Mongondow Masa In Tanaa

⁶ Naonda in ki Yosua nogatodon kon intau mita in Israel minayá, minayá domandon in mosia sin ḻimitú kon butá inta tonsilai monia tonta-tontaní.

HAKIM MITA 2:6 Mawu Ofanana

YOSUA 22:6

Onda intua ki Yosua nomarakat bo poḷat nopotabá kon i monia nobui minayá kon butá monia takin koyow, “Tanaa in moiko nobiagdon nooyúon bo moiko nobui takin nodia kon bobiagon nobarong, saḷaka, buḷawan, bitú, uatoi bo pakeang. Silai-silaidon doman in onu inta inagowmu tua kon parang kon intau mita tongosukumu ibanea.” Dá suku i Ruben, i Gad, bo suku i Manasye inta kon pomukaan kon Yordan tatua nonaḷámaidon kon intau in Israel ibanea, bo nobuat nongkon Silo kon Kanaan nopobayá in butá monia tontaní kon Gilead. Mosia nogutun kon butá tatua podudui in parenta i Tuhan pinongin i Musa. (Tongosilai in suku Manasye ain notarima kon butá nongkon i Musa, butá inta kon ḷoḷan in Ongkag in Yordan, bo tongosilai in suku Manasye ibanea in notarima nongkon i Yosua butá kon dotá in toyopan kon Ongkag in Yordan noyotakin in suku mita ibanea.)

HAKIM MITA 2:5

Manangka intua tampat tatua in sinangoian Bokhim. Bo kon tampat tatua intau mita in Israel noposumba in kuruban kon i Tuhan.

HAKIM MITA 2:7

Kon tungkuḷ in ki Yosua nobiagpa, intau in Israel nogundoi kon i Tuhan. Naonda in ki Yosua minatoidon mosia in umuranpabí doman nogundoi kon i Tuhan kon dodai in umuranpa oyúon in itoi mita monia inta nokoontong tontaní kon bayongan inta mokoherang inta pinomia i Tuhan sin motuḷung kon intau in Israel.