HAKIM MITA 19:6 - Alkitab Singog In Mongondow Masa In Tanaa

^6-7 Dá iḻimitúdon in intau in Lewi tatua bo nongaan nonginum takin ki amá in bobay tatua. Táe naonda in sia simindog sin mayádon, ki amá in bobay tatua nodondouḷug kon inia sinbá dikadon mayá. “Pobarasanangpa muna,” gumannea, “bo posiugdon kon naa.” Dá nogutunpa bui in intau in Lewi tatua kon tua tonggobii bui.

HAKIM MITA 19:6 Mawu Ofanana

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

DATU MITA IMITÁNEA 21:7

“Iko nion in datu kon Israel!” tubag i Izebel. “Pobangondon bo pongaandon in tanaa. Kosanangdon in ginamu, sin ogoikubí in gobá in anggur i Nabot tatua kon inimu!”

ESTER 1:10

Kon singgai impitunea, ki datu in nonginum nodapot in nosanangdon totok in ginanea. Tuamai in nogoiní in sia kon intaunea pitu inta nobaḻí bobantungnea tontaní; mosia tua in ki Mehunam, ki Bizta, ki Harbona, ki Bigta, ki Abagta, ki Zetar, bo ki Karkas.

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

WAHYU 11:10

Moḷungangabí totok gina in bayongan intau kon dunia naa in mokoontong kon mayat in sakusi doyowa tatua. Porameanbí monia in kinopatoian nayadua tua. Bo mosia mosiogoianbí in tombuinag, lantaran nabi doyowa tatua ain nopoangoi in roriga moantó kon bayongan intau kon dunia naa.

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

HAKIM MITA 19:9

Onda intua, naonda in intau in Lewi tatua takin ki buḷoinea ibanea bo bobantungnea tatua mobuatdon, ki amánea noguman, “Mata in singgai tumoyopdon, topípa bo modoḷomdon. Mopia-piabí kon mosiugpa bui kon naa bo mobarasanang. Bain ikoḷom bo mobangon in moiko doḷo-doḷom sin mobuat bo mobui.”

HAKIM MITA 9:27

Mosia in minayá nosipú kon bungai mita in anggur kon gobá mita in anggur, bo nomia kon oinumon nongkon anggur, bo poḷat nomia kon rame. Mosia nongaan bo nonginum kon tampat pososumbaan kon dewa monia poḷat nogodi-godimai kon i Abimelek.

RUT 3:7

Naonda in ki Boas nopaḷut nongaan bo nonginum, noguḻídon in ibognea bo nopia domandon in ginanea. Bo minayádon in sia nosiug kon diug in pinosipunan kon gandum. Takin inumado-adop in ki Rut namangoi bo nonikat kon daing i Boas, bodongka inumuḻid kon sioḷannea.

SAMUEL 1 25:36

Naonda in ki Abigail nobui kon i Nabal, noniata magí yo oyúonbí in rame moḷoben kon baḷoinea, naonda bo rame in datu. Bo popisí in ki Nabal noḷoḷangu bo noḷunganga totok in ginanea, dá diábí pinotaau i buḷoinea kon inia nodapot in nobangon monik.