HAKIM MITA 19:25 - Alkitab Singog In Mongondow Masa In Tanaa

²⁵ Táe popisí in intau mita moraat tatua umuran momakisa totok, dá intau in Lewi tatua nonuḷudon kon i buḷoinea ibanea tatua pinoḷuai kon i monia. Bo mosia nopoyo-poyoḷuan in nomogutú kon bobay tatua dapot in doḷo-doḷom.

HAKIM MITA 19:25 Mawu Ofanana

KINOBAḺIAN 4:1

Onda intua ki Adam in nosiug noyotakin i Hawa, ki buḷoinea, bo sidiadon in bobay tatua. Sia nopononggadí in adí ḷoḷaki tobatú, ki Hawa in noguman, “Takin totuḷung i Tuhan akuoi nokouḻí kon adí ḷoḷaki.” Dá sinangoiannea in adí tatua ki Kain.

HOSEA 10:9

Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

EPESUS 4:19

Diábí in oyá monia sahingga in mosia tantúdon dumudui kon ibog in awak monia bo mobiag mokotor kinooibogbí in gina.

HAKIM MITA 19:24

Bain ogoiku in ki buḷoinea ibanea bo ki adíku bobay kon i monimu. Motaaudon in moiko moposanang in gina monimu takin monia. Táe dika in momia kon onu inta moraat kon mokokiangoiku tatua!”

HAKIM MITA 19:26

Naonda in subudon bobay tatua nobui, táe kon tayowon ngara in baḷoi in guranga tatua, baḷoi inta pinogogaian i buḷoinea ḷoḷaki, noumpag in sia bo diádon nonotaau in intau. Naonda in mata in singgai nomukádon kon tuapa doman in sia.

HAKIM MITA 20:5

Onda intua intau mita in Gibea namangoi wakutu in doḷom sin motayak kon inakó. Iḻipungdon monia in baḷoi inta pinongandupanku sin makusud moḻimod kon inakó, táe onda intua mosia in nomogutú kon i buḷoiku ibanea tatua nodapot in minatoi.