HAKIM MITA 19:22 - Alkitab Singog In Mongondow Masa In Tanaa

²² Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”

HAKIM MITA 19:22 Mawu Ofanana

DATU MITA IMITÁNEA 21:10

Potabádon in intau moraat doyowa ḻimitú tumayow kon inia bo ponapud kon sia in nogodi-godimaidon kon i Allah bo kon i datu. Bodongka diá in sia poḷuai in kotá, bo andur in batu dapot in matoi!”

YEHEZKIEL 16:46

Ki guya-guyangmu in ki Samaria kon utuan takin bayongan in ḻipúnea. Bo ki ai-aimu in Sodom kon toḷatan takin bayongan in ḻipúnea.

HOSEA 10:9

Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

KORINTUS 1 6:9

Diábí kotaauan monimu kon intau mita inta diá motoindudui kon i Allah in diábí mobaḻí umat i Allah? Dika koakaḷan! Sin bayongan intau inta mogaidmai kon mokotor, bayongan intau inta umuran dumudui kon parenta in berhala, monuaḻing bo mokituaḻing, inta moibog kon tumpaḷa ḷoḷaki ande tumpaḷa bobay,

KORINTUS 2 6:15

Diábí doman in ki Kristus moyopakat takin Ibilis. Onubí in yotongkainea intau in Keresten takin intau inta diá mopirisaya kon i Kristus?

ULANGAN 13:13

kon tongonumai intau moraat nongkon bangusamu aindon nopoḷaḻe kon intau inta nogutun kon kotá sin mosumba kon ilah mita inta diá kinotaauan monimu.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

HAKIM MITA 20:5

Onda intua intau mita in Gibea namangoi wakutu in doḷom sin motayak kon inakó. Iḻipungdon monia in baḷoi inta pinongandupanku sin makusud moḻimod kon inakó, táe onda intua mosia in nomogutú kon i buḷoiku ibanea tatua nodapot in minatoi.

HAKIM MITA 20:6

Dá ginamákudon in mayatnea bodongka pinongko-pongkó bo pinoki dia in pongkóan mita tatua kon suku in bangusa naton inta mopuḷú bo doyowa tua, tumongo pongkó in tongo suku. Tua in pinomiaku sin intau mita in Gibea tua in nomiadon kon inta moraat bo mokopooyámai kon umat in Israel.

SAMUEL 1 1:16

Dikabí anggapon kon akuoi in bobay inta diá mopia. Akuoi in nosambayang ná tanaa sin monakitdon totok in ginaku.”

SAMUEL 1 10:27

Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.

SAMUEL 1 2:12

Ki adí mita i Eli in mongoraat totok. Mosia in doí dumudui kon parenta i Tuhan

SAMUEL 1 25:25

Dikadon raionmai i Tuangku in ki Nabal, intau inta diá in baragunanea tatua! Sia tua in intau inta nobodok – notongkai ná tangoinea. Bobantung naa in diábí nokoontong kon totabá mita inta pinotabá i Tuangku tua.