HAKIM MITA 19:18 - Alkitab Singog In Mongondow Masa In Tanaa

¹⁸ Intau in Lewi tatua notubag, “Kami naa in bagu namangoi nongkon Betlehem kon Yohuda, bo kon binayáanpa mobui kon baḷoi kon moyayú kon buḷud in Epraim. Nongkon tua in akuoi. Diá tobatúmai in intau kon kotá tanaa in mogoiní kon inami bo mogogaipa kon baḷoinea.

HAKIM MITA 19:18 Mawu Ofanana

MAZMUR 26:9

Dika moḻimod kon inakó takin intau binaradosa, andeka morabut kon nyawaku takin moḷoḻimod.

AMSAL 25:17

Dika mokopokakit in iko momangoi kon baḷoi in topodiugmu, sin mobúdon in sia bo doídon in sia koangoianmu.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

HAKIM MITA 17:7

Kon dodai doman intua oyúon in tayowmobiag tobatú nongkon suku i Lewi. Koḻipod nogutun in sia kon Betlehem kon butá in Yohuda.

HAKIM MITA 18:31

Patong berhala inta pinomia i Mikha tatua umuranbí kon Lais kon dodai in Ḷoḷaigan i Tuhan kon Silo.

HAKIM MITA 19:17

Naonda in guranga tatua nokoontong kon intau mita in Lewi tatua kon ḷoḻitúan tatua, sia noḻibó, “Nongkon onda in ki utat, bo mayá in onda?”

HAKIM MITA 19:19

Diábí in kami moparaḷu kon ibanea mako, tugatbí in tongkaaḷ nami. Oyúonbí in kaanon in biag bo kaanon in keledai nami; oyúonbí doman in roti bo anggur kaanon bo inumon nami motoḷuadí takin bobantungku naa.”

HAKIM MITA 19:5

Kon singgai noginggopat, nobangon in mosia subupa bo nosadiadon mayá. Táe ki amá in bobay tatua noguman kon intau in Lewi tatua, “Pongaanpa sinbá moropot, bain mopaḷut mako mongaan bo mayá.”

HAKIM MITA 20:18

Tontara in umat in Israel tatua minayá in tampat pooibadaan kon Betel, bo noḻibó kon i Allah, “O Tuhan, suku táonda degá inta kon sigad nami naa inta kon dungkuḷ totok mayá monubu kon intau in Benyamin?” Ki Tuhan in notubag, “Suku in Yohuda.”

SAMUEL 1 1:3

Pomuḷoi in taong in ki Elkana mayá nongkon Rama sin moibada kon Silo bo moposumba in kuruban kon i Tuhan Inta Totok in Mokawasa. Imang i Tuhan kon dodai intua kon Silo in ki Hopni bo ki Pinehas, adí mita i Eli.

SAMUEL 1 1:7

Tua in nobaḻí pomuḷoi in taong; aka mosia mayá in Baḷoi Tuhan, umuranbí i Penina popoyaat in ginanea. Mokakit in ki Hana mongombaḷ bo doí mongaan popisí in siningkuḻe in sia.