HAKIM MITA 19:16 - Alkitab Singog In Mongondow Masa In Tanaa

¹⁶ Ḻimitúpa mako in mosia kon ḷoḻitúan kotá, namangoidon in guranga tobatú inta bagu nobui kon gobánea. Sabanarnea sia tua in intaubí nongkon butá in buḷud i Epraim táe nogutundon kon Gibea. (Intau ibanea inta nogutun kon Gibea tua in intau mita in Benyamin.)

HAKIM MITA 19:16 Mawu Ofanana

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

MAZMUR 104:23

Bo ḷumuaidon in intau sin mogaid kon oaidannea, bo umuran mogaid modapot in ḷoḷabungnea.

MAZMUR 128:2

Iko in mongaanbí nongkon onu inta siniḷopíanmu, mobiag motomoman bo motompia.

AMSAL 13:11

Kaoyúonan inta nouḻí diá irorigaan in motoyongbí doman mogaat; táe kapunyaan inta piniḻim-piḻikmai sinipun in kodugang-kodugangbí.

AMSAL 14:23

Kon bayongan in totayak oyúonbí in kauntungan; ouman inta diá totuu mokopopisí kon mobiag mobogá.

AMSAL 24:27

Dikapa monoimbotú kon tonibuḷoi aka diápa muna nosadia kon gobámu bo oyúon kototayak.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 5:12

Kon dunia naa inontongku oyúon in mokoajar kon gina: Oyúon in intau tobatú nosipun kon kapunyaannea sin pogoḷat kon malarat.

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

TESALONIKA 2 3:10

Sin kon wakutu in kami kon yua-yuakpa monimu naa in atorang inta pinoguman nami kon i monimu, “Aka intau doí mogaid yo donaai mongaan in sia.”

HAKIM MITA 19:1

Kon tungkuḷ in intau Israel diápa ko datu, oyúon in intau in Lewi nogutun kon tampat inta noyayú, kon ḻikudmai in buḷud in Epraim. Nogamá in sia kon bobay tobatú nongkon Betlehem Yohuda bo binaḻínea ki buḷoinea ibanea.

HAKIM MITA 19:14

Tuamai in mosia minayádon turus bo diádon nogogai kon Yebus. Mata in singgai sinumoyopdon naonda in mosia kon Gibea kon butá in suku Benyamin.

HAKIM MITA 19:15

Mosia in nongandup kon tua sin mosiugpa kon tua, bo sinumuot kon kotá bo minayá iḻimitú kon ḷoḻitúan. Tongá diá in tobatúmai in intau nogoiní kon i monia mayá in baḷoi monia bo mogogai.

HAKIM MITA 19:17

Naonda in guranga tatua nokoontong kon intau mita in Lewi tatua kon ḷoḻitúan tatua, sia noḻibó, “Nongkon onda in ki utat, bo mayá in onda?”