HAKIM MITA 18:9 - Alkitab Singog In Mongondow Masa In Tanaa

^9-10 Dá mosia in noguman, “Koḻigai tubuon naton in Lais. Kami in minayádon intua, bo inontongdon nami kon butánea in mopia, mooḷad bo nooyúon, bayongan in yagi-yagi komintan oyúon. Dika tongá umuran kon naa bo kibio-biómai. Koḻikatdon mayá intua bo mogagow kon butá tatua. Kobayáanmai monimu yo intau mita kon tua in diábí mosangka-sangka kon mosia in tubuon. Noyakin bidon in kami kon ki Allah in nobogoi bidon in butá tatua kon i monimu.”

HAKIM MITA 18:9 Mawu Ofanana

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

DATU MITA IMITÁNEA 22:23

Onda intua ki Mikha in noguman, “Uḻe, tua in mobaḻí! Binaḻídon i Tuhan sinbá nabi mita i tuang datu in nonguboḷ kon i tuang datu sin sinantúdon i Tuhan kon mopoḷabú in bodito kon i tuang datu!”

DATU MITA IMITÁNEA 22:3

Munadon in ki Ahab noguman kon porwiranea mita, “Kinotaauandon monimu kon kotá in Ramot kon Gilead tua in kitabí in kitogi! Nongonu sin diábí bui agowon naton nongkon i datu in Siria?”

PINOGIAPAN 13:30

Táe pinoonow i Kaleb in gina in intau mita inta kon tayowon i Musa. Guman i Kaleb, “Butá tatua musti tubuon naton bo agowon naton tanaa domandon mako, sin tugat bidon in intau naton monaḷow kon i monia.”

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

YOSUA 18:3

Dá ki Yosua noguman kon umat in Israel, “Modapotpa in toonu in pogoḷatan monimu, bo bain tua moiko mayá ḻimitú kon butá inta inogoi i Tuhan, Allah in mogoguyangmu, kon inimu?

HAKIM MITA 18:8

Naonda in taya ḻima tua minayádon bui kon intau mita tongosuku monia kon Zora bo Eshtaol, pinoiguman in mosia kon tosingogon.

SAMUEL 1 4:9

Korigon in ginamu, ei intau mita in Pilistin! Poparangdon ná ḷoḷaki, aka diá yo moiko in mobaḻídon ata in intau mita in Ibrani tatua, ná koḻipod mosia nobaḻí ki ata monimu. Tuamai in poparangdon takin kotorindog bo kobarani!”