HAKIM MITA 18:6 - Alkitab Singog In Mongondow Masa In Tanaa

⁶ Tubag in imang tatua, “Dika moḻi-ḻiaw in gina. Kino ibog bidon i Tuhan in bobayáan monimu tanaa.”

HAKIM MITA 18:6 Mawu Ofanana

DATU MITA IMITÁNEA 22:12

Bayongan in nabi ibanea in noyopopog bo noguman, “Tubudon in Ramot, mouḻíbí i tuang datu. Popountungbí i Tuhan in ki tuang datu.”

DATU MITA IMITÁNEA 22:15

Naonda in ki Mikha nodapot kon tayowon i Datu Ahab, ki datu in noḻibó, “Motaau degá in akuoi bo ki Datu Yosapat mayá monubu kon Ramot, andeka diá motaau?” “Tubudon!” tubag i Mikha. “Motantúbí kon mouḻímubí. Popountungbí i Tuhan in ki tuang datu.”

DATU MITA IMITÁNEA 22:6

Dá ki Ahab in nosipun kon degá 400 in nabi bo noḻibó kon i monia, “Motaau degá in akuoi mayá monubu kon Ramot andeka diá motaau?” “Motaau!” tubag monia. “Ogoibí i Tuhan kon i tuang datu in kotá tatua.”

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

IḶUAIAN 4:18

Nopaḷut mako kon tua ki Musa nobui kon baḷoi i Yitro, ki nunutonnea, bo noguman kon inia, “Ogoiaipa akuoi in wakutu mobui kon Mesir sin mayá moindoi kon i utatku mita bo moindoi doman mongo nongobiagpa in mosia.” Ki Yitro in noguman kon i Musa, “Bayádon takin pia-pia mako.”

YEREMIA 23:32

Akuoi, ki Tuhan, in moḷawangbí kon nabi mita tatua inta nopotaau in togoindopnea mita inta nopuḻing in uboḷ. Mosia in nopoḷangkam in umat-Ku pinodoyon kon uboḷ bo ambungangaḷ monia. Akuoi in diábí nopotabá kon nabi mita tatua. Mosia in beresibí diá baraguna kon umat-Ku. Akuoi, Tuhan, ain nosingog.”

ULANGAN 11:12

Ki Tuhan Allahmu in monompia kon butá tatua bo moḷukad kinoouput in taong.

TESALONIKA 1 3:11

Bo poigumon mako ki Allah, ki Amá naton bo ki Tuhan naton ki Yesus Kristus mobogoi in daḷan kon inami sinbá moyodungkuḷdon bui monimu!

HAKIM MITA 18:5

Bo mosia in noguman kon inia, “Aka natua, yo tuḷungaipa bo ḻibó kon i Allah mongo bobayáan nami naa in mokodungkuḷ kon onu inta sinayak andeka diá.”

HAKIM MITA 18:7

Nopaḷut mako kon tua taya ḻima tua minayá in Lais. Kon tua nonaridimai in mosia kon intau mita inta nogutun kon tua. Noniata magí kobobiag in intau mita in Lais tatua naonda bo kobobiag in bangusa in Sidon. Umpakabí noitontaní in mosia, bo noyayú nongkon bangusa in Sidon, mosia tua in nobiagbí noaman bo motompia, diá in musung, nooyúon, bo diábí in diá kon i monia.

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”