HAKIM MITA 18:5 - Alkitab Singog In Mongondow Masa In Tanaa

⁵ Bo mosia in noguman kon inia, “Aka natua, yo tuḷungaipa bo ḻibó kon i Allah mongo bobayáan nami naa in mokodungkuḷ kon onu inta sinayak andeka diá.”

HAKIM MITA 18:5 Mawu Ofanana

DATU MITA IMITÁNEA 22:5

Táe mopia-piabí kon munapa ḻibóon naton kon i Tuhan.”

DATU MITA 2 16:15

Nopaḷut mako kon tua noguman in sia kon i Uria, “Pakédon in mezbahku inta moḷoben tanaa sin potubaan kon kuruban inta ogoi in rayat, bo pobutakdon doman kon tua in kuruban anggur inta ogoi in rayat. Pobutak domandon kon tudu in mezbah tatua in dugú in bayongan biag inta pinosumba. Bo mezbah bitú inta koyongan tatua in pomayádon mako bá akuoidon in mopomaké sin mopoigum in topotundú nongkon dimukud mita.”

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YEHEZKIEL 21:21

Datu in Babel in sinimindog kon diug in dopí totundú in daḷan tatua. Sinbá kotaauannea mongo onda in daḷan inta bayáannea, dá nopoigum in sia kon totundú kon berhala mita, monguḻingkó kon bobong pinobonuan kon piot bo monaridi kon poat in mahaḷuk inta bagu pinokuruban.

HOSEA 4:12

Moiko in mopoigum in topotundú kon kayu topongkó! Tungkud tobatú in mopotaau kon inimu kon onu inta koibogmu kotaauan! Moiko in notongkai in buḷoi bobay tobatú inta nobaḻí sundaḷ; moiko in nonaḷámai kon i-Nakó bo nobogoi in awakmu kon ilah mita ibanea.

OUMAN IN RASUL MITA 8:10

Dá bayongan intau kon kotá tatua komintandon nonarukiramai kon inia. Intau mita kon kotá tatua, mongoadí, tayowmobiag bo guyanga komintan moguman nanaa, “Intau tanaa in totokbí in kinawasa i Allah inta ponango-nangoian ‘Mokawasa totok’ tua.”

HAKIM MITA 17:13

Dá ki Mikha noguman, “Akuoi in noyakinbí kon tanaa in ki Tuhan in momiadon kon inta mopia kon inakó sin oyúondon in intau in Lewi inta nobaḻí imangku.”

HAKIM MITA 17:5

Ki Mikha naa in koyongandon oyúon in tobatú tampat pososumbaannea. Sia in nomia kon tongonumai in patong berhala bo todit in epod bo noduí kon i adínea ḷoḷaki tobatú nobaḻí imang.

HAKIM MITA 18:14

Intau toimata taya ḻima inta muna pinotabá tatua noguman kon yobayatnea mita, “Bá kotaauandon monimu kon baḷoi tobatú kon naa oyúon in patong inta inaipan in saḷaka! Oyúon doman in patong mita ibanea bo epod. Raika mongo onu in musti pomiaan naton.”

HAKIM MITA 18:4

Tayowmobiag tatua notubag, “Akuoi in kon naa sin inoiní i Mikha. Sia in noduí kon inakó nobaḻí imangnea, bo nobogoi in tondan in pogaidanku.”

HAKIM MITA 18:6

Tubag in imang tatua, “Dika moḻi-ḻiaw in gina. Kino ibog bidon i Tuhan in bobayáan monimu tanaa.”

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)