HAKIM MITA 18:4 - Alkitab Singog In Mongondow Masa In Tanaa

⁴ Tayowmobiag tatua notubag, “Akuoi in kon naa sin inoiní i Mikha. Sia in noduí kon inakó nobaḻí imangnea, bo nobogoi in tondan in pogaidanku.”

HAKIM MITA 18:4 Mawu Ofanana

AMSAL 28:21

Diábí mopia in mopoyoposi in intau; táe oyúonbí doman in hakim inta motombogá tongá popisí in bá mokouḻí kon doit topiḻik.

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

YEHEZKIEL 13:19

Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

OUMAN IN RASUL MITA 20:33

Diápabí kon dodai onda akuoi nohaga in doit andeka pakeang nongkon intau ibanea.

TIMOTIUS 1 3:3

donaaibí in intau inta umuran moḷoḷangu, ande intau inta moibo-ibog moropatoi, táe intaubí inta moaḷus in dodia bo pososingognea bo inta moibog doman in dodamean, bo diá dinoit.

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.

HAKIM MITA 17:10

Ki Mikha noguman, “Pogutundon takinku kon naa, sinbá iko in mobaḻí monononggina bo imang nami. Bain ogoianku iko in mopuḷú in doit saḷaka pomuḷoi in taong, bo pakeang takin kaanon.”

HAKIM MITA 18:3

Naonda in tumuotdon kon baḷoi tatua mosia nokodongog kon tayowmobiag in Lewi tatua nongonguman, bo kinotaauandon monia in ḻegúnea. Dá mosia in namangoi kon inia bo noḻibó, “Nongonu sin kon naabí in iko? Onu in oaidanmu? Ki ine in nodia kon inimu?”

HAKIM MITA 18:5

Bo mosia in noguman kon inia, “Aka natua, yo tuḷungaipa bo ḻibó kon i Allah mongo bobayáan nami naa in mokodungkuḷ kon onu inta sinayak andeka diá.”