HAKIM MITA 18:3 - Alkitab Singog In Mongondow Masa In Tanaa

³ Naonda in tumuotdon kon baḷoi tatua mosia nokodongog kon tayowmobiag in Lewi tatua nongonguman, bo kinotaauandon monia in ḻegúnea. Dá mosia in namangoi kon inia bo noḻibó, “Nongonu sin kon naabí in iko? Onu in oaidanmu? Ki ine in nodia kon inimu?”

HAKIM MITA 18:3 Mawu Ofanana

KINOBAḺIAN 27:22

Ki Yakub in dinimiug kon i amánea, bo iyapudon i amánea in sia poḷat noguman, “Singogmu naonda bo singog i Yakub, táe kokaḷmu naonda bo kokaḷ i Esau.”

YESAYA 22:16

“Kainimukamai dá ki inebí in iko naa? Onu in hakmu nodapot in iko nomakang kon poḷoḷobongan kon inimu kon buḷud batu?

MATIUS 26:73

Diá noonggot nongkon tua namangoidon in intau mita kon tua kon i Petrus bo noguman, “Tantú iko in dumodudui-Neabí doman sin kotaauan totok kon pososingogmu.”

HAKIM MITA 12:6

dá sia pokitangoian monia in tosingogon “Syibolet”. Sia in moguman “Sibolet” sin diá in sia motaau monangoi moitutui kon tosingogon tatua. Bo domokon monia in sia bo ḻimodon kon tobatú ḷoḷoḷanan tatua. Dá kobayong in intau in Epraim inta iḻimod tungkuḷ intua in 42.000.

HAKIM MITA 18:2

Tuamai in mosia nomiḻí kon intau ḻima inta mongotorindog nongkon sigad in bayongan inanakan kon bonu in suku monia inta nogutun kon Zora bo Eshtaol, bodongka nobogoi in oaidan kon i monia ḻima tatua sin monaridi kon butá tatua. Dá nobuatdon in intau mita tatua, bo nodapotdon in mosia kon buḷud inta kon butá in Epraim. Kon tua in mosia nongandupa kon baḷoi i Mikha.

HAKIM MITA 18:4

Tayowmobiag tatua notubag, “Akuoi in kon naa sin inoiní i Mikha. Sia in noduí kon inakó nobaḻí imangnea, bo nobogoi in tondan in pogaidanku.”