HAKIM MITA 18:23 - Alkitab Singog In Mongondow Masa In Tanaa

²³ ki Mikha bo intaunea mita nomaḷúdon kon i monia. Intau mita in suku Dan tatua nobobui bo noḻibó kon i Mikha, “Onu in nobaḻí? Nongonu sin namangoibí takin intau mobayong naníon?”

HAKIM MITA 18:23 Mawu Ofanana

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

SAMUEL 2 14:5

“Nongonu?” noḻibó in ki datu kon inia. Bobay tatua in notubag, “Bobantung naa in dongkadon boba-bobay inta nobiag nobogá. Ki buḷoiku in minatoidon.

DATU MITA 2 6:28

Onu in mokororiga kon inimu?” Bobay tatua in notubag, “Yobayatku tanaa in nonongganutdon kon inakó sinbá kaanondon nami muna in ki adíku, bo ikoḷom in ki adíneadon in kaanon nami.

MAZMUR 114:5

Nongonu degá, ei dagat, nodapot in iko in noḷaguibí, bo Ongkag in Yordan nogogai noiḻig?

YESAYA 22:1

Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

HAKIM MITA 18:22

Onda in noyayú in mosia, ki Mikha nogoiní kon topodiugnea mita bo noyotakin nogaḷow kon intau mita in suku Dan tatua. Naonda in nodiugdon kon i monia,

HAKIM MITA 18:24

Ki Mikha notubag, “Moiko nogamá kon patongku mita bo imangnea, nodapot in diádon koonu bo onu in akuoi, bo moiko in noguman, ‘Onu in nobaḻí!’ ”

SAMUEL 1 11:5

Kon dodai intua ki Saul bagupa nobui nongkon gobánea takin kodia-dia in sapinea. Dá noḻibó in sia, “Onu in nobaḻí? Nongonu sin bayongan in intau in mongombaḷbí?” Bo pinotaaudon kon inia in habar inta pinotaau in totabá nongkon Yabesh tatua.