HAKIM MITA 18:18 - Alkitab Singog In Mongondow Masa In Tanaa

¹⁸ Naonda in intau ḻima tatua sinumuot kon baḷoi i Mikha bo nogamá kon epod takin patong mita berhala tatua, tayowmobiag in Lewi tatua noḻibó, “Onu in pomiaan monimu tanaa?”

HAKIM MITA 18:18 Mawu Ofanana

YESAYA 46:2

Patong mita tatua in diábí mokotuḷung kon momotaannea, mosia tontaní in inakut nobaḻí inta dinakop. Tuata in kopaḷutan monia.

YEHEZKIEL 21:21

Datu in Babel in sinimindog kon diug in dopí totundú in daḷan tatua. Sinbá kotaauannea mongo onda in daḷan inta bayáannea, dá nopoigum in sia kon totundú kon berhala mita, monguḻingkó kon bobong pinobonuan kon piot bo monaridi kon poat in mahaḷuk inta bagu pinokuruban.

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

HAKIM MITA 18:17

Toimata taya ḻima tatua bayá-bayádon sinumuot kon baḷoi, bo nogamá kon patong kayu inta inaipan in saḷaka tatua takin patong mita ibanea, bo epod. Tayowmobiag in Lewi tatua in sinimindogdon mako takin tontara mita onom nogatut inta kon ngara moḷoben.

HAKIM MITA 18:19

Mosia in notubag, “Kibio-biómai! Dika moḻibó. Duduidon kon inami, bain mobaḻí in iko imang bo mononggina kon inami. Mopia-piabí kon mobaḻí imang kon tongosuku dika in tongá mobaḻí imang kon motoḷuadí tobatú!”