HAKIM MITA 17:4 - Alkitab Singog In Mongondow Masa In Tanaa

⁴ Dá naonda in ki Mikha nopobui in doit tatua kon i inánea, ki inánea nogamá kon doyowa nogatut in doit tatua, bo inogoinea kon intau inta mononontaḷ kon saḷaka. Bo nokiaid in sia kon mononontaḷ tatua in patong kayu inta inaipan in saḷaka tatua. Onda intua patong tatua inukat kon baḷoi i Mikha.

HAKIM MITA 17:4 Mawu Ofanana

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

YESAYA 44:13

Mogogimok kon kayu in mogukur kon kayu. Gambaronnea in kapur onu in aidannea bo kurigonnea in pakakatnea bo aidannea patong in intau inta moḷunat, bo ukatonnea kon bonu in baḷoinea.

HABAKUK 2:18

Kinutukdon in iko! Iko in noguman kon kayu topongkó, “Pobangondon!” andeka kon batu moḷoben tobatú, “Sindogdon!” Degá patong tobatú motaau moguman kon inimu? Umpakabí patong tatua inoḻitan in buḷawan andeka saḷaka, táe diábí in nyawa kon inia. Onubí in mangaḻenea in patong berhala? Tua in tongábí mia in intau. Inta mouḻímu kon inia in tongábí komintan uboḷ. Diábí in mangaḻe in pirisaya in mogogaid kon berhala kon onu inta pinomianea tatua, inta diá motaau mosingog tua.

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

HAKIM MITA 17:3

Ki Mikha nopobui in doit tatua kon i inánea, bo ki inánea in noguman, “Bá iko, adíku, moiḷuat nongkon odi-odi inta ain siningogku tatua, yo posumbaku in saḷaka tanaa kon i Tuhan sin pakéon pogaid kon patong kayu inta inaipan in saḷaka. Dá doit tatua in pobuionkudon kon inimu.”

HAKIM MITA 17:5

Ki Mikha naa in koyongandon oyúon in tobatú tampat pososumbaannea. Sia in nomia kon tongonumai in patong berhala bo todit in epod bo noduí kon i adínea ḷoḷaki tobatú nobaḻí imang.

HAKIM MITA 18:17

Toimata taya ḻima tatua bayá-bayádon sinumuot kon baḷoi, bo nogamá kon patong kayu inta inaipan in saḷaka tatua takin patong mita ibanea, bo epod. Tayowmobiag in Lewi tatua in sinimindogdon mako takin tontara mita onom nogatut inta kon ngara moḷoben.