HAKIM MITA 17:1 - Alkitab Singog In Mongondow Masa In Tanaa

¹ Oyúon in intau ḷoḷaki ki Mikha in tangoinea. Sia in nogutun kon buḷud kon butá in Epraim.

HAKIM MITA 17:1 Mawu Ofanana

DATU MITA IMITÁNEA 4:8

Bupati mopuḷú bodoyowá tatua tongguḷu monia in gubernur tobatú. Naa in tangoi in bupati mita tatua bo butá kawasa monia: Ki Ben-Hur: kon butá inta kon buḷud in Epraim Ki Ben-Deker: kon kotá in Makas, Saalbim, Bet-Semes, Elon, Bet-Hanan Ki Ben-Hesed: kotá in Arubot, Sokho, bo bayongan butá in Heper Ki Ben-Abinadab, ki buḷoi i Tapat adí bobay i Salomo: bayongan butá in Dor. Ki Baana adí Ahilud: kotá in Taanakh, Megido, bo bayongan butá kon diug in Bet-Sean, kon diug in kotá in Sartan kon dotá in toḷatan kotá in Yizreel nodapot in kinoyoyayú in kotá in Abel-Mehola bo kotá in Yokmeam. Ki Ben-Geber: kotá in Ramot kon Gilead, ḻipú mita kon Gilead kapunyaan in inanakan i Yair buí i Manasye, butá in Argob kon Basan; tua komintan 60 in kotá moḷoben inta iniropotan in benteng bonoboi mita bitú kon ngaranea mita, Ki Ahinadab adí i Ido: butá in Mahanaim Ki Ahimaas, ki buḷoi i Basmat adí bobay i Salomo: butá in Naptali Ki Baana adí i Husai: butá in Asyer, kotá in Alot Ki Yosapat adí i Paruah: butá i Isakhar Ki Simei adí i Ela: butá in Benyamin Ki Geber adí i Uri: butá in Gilead, inta koḻipod kinawasa i Sihon datu in Amori, bo i Og datu in Basan.

YOSUA 15:9

onda intua minayá ná bokaká in tubig Me-Neptoah, nodapot kon kotá mita inta kon diug in Buḷud Epron. Nongkon tua in sigad in butá tatua nomurow ná Baala (inta Kiryat-Yearim),

YOSUA 24:30

Sia iḷobong kon butá kapunyaannea tontaní kon Timnat-Serah kon Buḷud in Epraim kon dotá in utuan kon Buḷud in Gaas.

HAKIM MITA 10:1

Naonda in ki Abimelek minatoi, ki Tola ki adí i Pua, nobaḻí itoi sin mopoḷuat kon intau in Israel. Sia naa in ki ompu i Dodo nongkon suku i Isakhar. Sia in nogutun kon Samir kon buḷud in Epraim.

HAKIM MITA 16:31

Onda intua namangoidon in ginaḷumnea bo bayongan in inanakan in motoḷuadínea sin mogamá kon mayatnea. Mosia in nodia kon mayatnea tatua nobui, bo iḷobong monia kon bonu in poḷoḷobongan i Manoah, ki amánea. Poḷoḷobongan tatua in noiukat kon sigad in Zora bo Eshtaol. Ki Simson nobaḻí itoi kon Israel doyowa nopuḷú notaong in koonggotnea.

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

HAKIM MITA 18:13

Nongkon tua minayá in mosia ná buḷud in Epraim nodapot kon baḷoi i Mikha.

HAKIM MITA 18:2

Tuamai in mosia nomiḻí kon intau ḻima inta mongotorindog nongkon sigad in bayongan inanakan kon bonu in suku monia inta nogutun kon Zora bo Eshtaol, bodongka nobogoi in oaidan kon i monia ḻima tatua sin monaridi kon butá tatua. Dá nobuatdon in intau mita tatua, bo nodapotdon in mosia kon buḷud inta kon butá in Epraim. Kon tua in mosia nongandupa kon baḷoi i Mikha.

HAKIM MITA 3:27

Naonda in nodapot kon buḷud in Epraim, sia in nogirup kon torompet sin mogoiní kon intau in Israel moparang. Mosia in namangoi bo dinianea in mosia nosiḻig kon buḷud tatua.