HAKIM MITA 16:6 - Alkitab Singog In Mongondow Masa In Tanaa

⁶ Dá ki Delila in noguman kon i Simson, “Simson, nongonu sin iko in totuubí moropot? Onubí in potogot kon inimu sinbá moinggamá in ropotmu tatua? Pogumanka in inta noibuni tatua!”

HAKIM MITA 16:6 Mawu Ofanana

NEHEMIA 6:4

Noidapot in koopat mosia nokidia in sonsoma inta ná tatua kon inakó, bo tantúku doman ogoian in totubag inta notongkai.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

AMSAL 22:14

Dondouḷug in bobay sundaḷ nobaḻí poyogaḷap; intau inta sinorúan i Tuhan moibonu kon poyogaḷapnea.

AMSAL 26:28

Monguboḷ kon intau notongkaibí in moyaat in gina kon inia. Moburidilá mako mokopoangoi kon bodito.

AMSAL 6:26

Bobay sundaḷ in motaaubí uboḻian in doit inta ná boḻi in kaanon topindan, táe monuaḻing takin buḷoi in intau ibanea in musti uboḻian in nyawa.

AMSAL 7:21

Natuata in pinodondouḷug in bobay tatua kon tayow mobiag tatua pinongin dondouḷug mita inta mokosanang dá kinogodaandon in sia.

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

HAKIM MITA 14:17

Pitu nosinggai in koonggot in bobutungan tatua, bo ki buḷoi Simson in tantú domandon mongombaḷ. Bo popisí in sia tantúdon mopoigum, dá kon singgai noginpitu, ki Simson nopotaaudon in mangaḻe in tangkí tatua kon inia. Bo ki buḷoi Simson in nopotaau in mangaḻenea tatua kon intau mita in Pilistin.

HAKIM MITA 16:5

Dá namangoidon in intau ḻima pongawasa in Pilistin kon bobay tatua bo noguman, “Dondouḷugaidon in ki Simson sinbá potaauneadon kon inimu onu in nobaḻí dodoyonan in ropotnea, bo naonda in pongonginggamá kon ropotnea tatua. Aka kotaauandon dá kami in mamangoidon bo motogot kon inia poḷat monaḷow kon inia. Bain kon batúan nami in mobogoidon in doit kon inimu tumongo ribu bo mogatut in doit saḷaka.”

HAKIM MITA 16:7

Ki Simson in notubag, “Aka akuoi bo togoton in tontogot in piot pitu inta mobagu inta diápa moingkag totok, yo moḻemédon in akuoi bo mobaḻídon akuoi ná intau biasa.”