HAKIM MITA 16:5 - Alkitab Singog In Mongondow Masa In Tanaa

⁵ Dá namangoidon in intau ḻima pongawasa in Pilistin kon bobay tatua bo noguman, “Dondouḷugaidon in ki Simson sinbá potaauneadon kon inimu onu in nobaḻí dodoyonan in ropotnea, bo naonda in pongonginggamá kon ropotnea tatua. Aka kotaauandon dá kami in mamangoidon bo motogot kon inia poḷat monaḷow kon inia. Bain kon batúan nami in mobogoidon in doit kon inimu tumongo ribu bo mogatut in doit saḷaka.”

HAKIM MITA 16:5 Mawu Ofanana

KINOBAḺIAN 33:16

Dá nobuidon in ki Esau kon singgai doman tatua, sia nobui kon Edom.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

HAKIM MITA 14:15

Dá kon singgai noginggopat mosia noguman kon i buḷoi i Simson, “Iko in mustibí modondouḷug kon i buḷoimu sinbá potaauneadon kon inami in mangaḻe in tangkínea tatua. Aka diá, yo pokakon nami in iko takin tombonu in baḷoi i amámu. Iko naa in mogoiníbí kon inami sinbá modait in kapunyaan nami!”

HAKIM MITA 16:4

Nopaḷut mako kon tua ki Simson noibogdon kon bobay tobatú nongkon Ḷopá in Sorek. Ki Delila in tangoi in bobay tatua.

HAKIM MITA 16:6

Dá ki Delila in noguman kon i Simson, “Simson, nongonu sin iko in totuubí moropot? Onubí in potogot kon inimu sinbá moinggamá in ropotmu tatua? Pogumanka in inta noibuni tatua!”

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

HAKIM MITA 3:3

Bangusa mita inta nogutunpa kon butá tatua in bangusa inta nogutun kon ḻima in kotá in Pilistin, bayongan in bangusa Kanaan, bangusa Sidon, bo bangusa Hewi inta nogutun kon buḷud in Libanon, pinangkoi kon Buḷud in Baal-Hermon nodapot kon daḷan inta nopobayá in Hamat.

SAMUEL 1 29:6

Bo inoinídon i Akhis in ki Daud bo noguman kon inia, “Akuoi naa in mopirisaya podoyon kon i Tuhan inta nobiag, kon iko nion in mosatiabí kon inakó. Mopiabí in ginaku aka iko motaau moyotakinku kon poparangan tanaa. Sin pinangkoipamai in iko namangoi kon inakó nodapot in tanaa mako, diábí kinokadapatanku in iko kon taḷámu. Táe datu mita ibanea in doí kon inimu.