HAKIM MITA 16:4 - Alkitab Singog In Mongondow Masa In Tanaa

⁴ Nopaḷut mako kon tua ki Simson noibogdon kon bobay tobatú nongkon Ḷopá in Sorek. Ki Delila in tangoi in bobay tatua.

HAKIM MITA 16:4 Mawu Ofanana

DATU MITA IMITÁNEA 11:1

Ki Datu Salomo in nongibog kon mobayong in bobay nongkon butá ibanea. Koḻikud in adí bobay i datu in Mesir, ki Salomo in notonibuḷoi doman takin bobay mita in Het, Moab, Amon, Edom bo Sidon.

NEHEMIA 13:26

Gumanku, “Diábí degá kinotaauan monimu kon dosabí doman tanaa inta inaidan i Datu Salomo? Diábí in datu in kon dunia naa inta moiḻiu kon inia. Ki Allah in notabi kon inia bo binaḻí in sia datu kon sinangkup in Israel. Umpaka natua táe sia in dinondouḷugandon in bobay mita in bangusa ibanea sin mogaid kon dosa.

AMSAL 22:14

Dondouḷug in bobay sundaḷ nobaḻí poyogaḷap; intau inta sinorúan i Tuhan moibonu kon poyogaḷapnea.

AMSAL 23:27

Bobay sundaḷ inta sumundaḷ in poyogaḷapbí inta mokoanib.

AMSAL 26:11

Ná ungkú inta bui mokaan kon totukanea, natua doman in intau bodok inta mobuimai kon kobobodoknea.

AMSAL 27:22

Umpaka bouton koropoton in intau bodok, yo diábí doman moinggamá in kobobodoknea.

KORINTUS 1 10:6

Tua komintan in nobaḻíbí contoh kon i naton, mopotorop kon bá donaai in kita mogaid kon inta diá mopia ná inaidan monia.

HAKIM MITA 16:3

Táe ki Simson in diábí nosiug kon tua dapot in doḷo-doḷom. Noonggot kon doḷom nobangon in sia bo minayá kon ḷoḻingkop in ngara in kotá. Irabutnea in ḷoḻingkop tatua takin bayongan in oigi bo takin bonoboinea mita. Onda intua pinotaannea in ḷoḻingkop tatua, bo dinianea kon tudu in buḷud kon ḷoḷan in Hebron.

HAKIM MITA 16:5

Dá namangoidon in intau ḻima pongawasa in Pilistin kon bobay tatua bo noguman, “Dondouḷugaidon in ki Simson sinbá potaauneadon kon inimu onu in nobaḻí dodoyonan in ropotnea, bo naonda in pongonginggamá kon ropotnea tatua. Aka kotaauandon dá kami in mamangoidon bo motogot kon inia poḷat monaḷow kon inia. Bain kon batúan nami in mobogoidon in doit kon inimu tumongo ribu bo mogatut in doit saḷaka.”