HAKIM MITA 16:2 - Alkitab Singog In Mongondow Masa In Tanaa

² Bo kinodongogandon in intau mita inta nogutun kon Gaza kon ki Simson in kon tua. Dá, binayádon iḻipung monia in tampat tatua bo iḷukadan monia in tonggobii tua kon ngara in kotá. Táe mosia in diábí nomia kon onu bo onu in doḷom tua sin mosia in norai, “Bain momuká in mata in singgai bo ḻimodon naton in sia.”

HAKIM MITA 16:2 Mawu Ofanana

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

LUKAS 21:20

“Aka ontongon monimu bo Yerusalem in kopungondon in tontara mita, yo kotaauandon monimu kon diádon moonggot bo poguyaatondon in kotá tatua.

OUMAN IN RASUL MITA 23:15

Tuamai in moiko komintan poyotakindon in Mahkama Agama bo mayá moguman kon itoi in tontara tatua sinbá ki Paulus in diaannea bui kon tayowon monimu bo moiko in ki ubo-uboḷmai momirikisa. Sin kami in moḷongasidon moḻimod kon i Paulus wakutu in sia kon daḷanpa, diápa moiyaput in naa.”

OUMAN IN RASUL MITA 9:24

Táe makusud monia tatua kinotaauan i Saulus. Doḷom bo singgai mosia in mogoḷat mako kon ngara in kotá tatua, sin moḻimod kon inia.

HAKIM MITA 15:18

Onda intua ki Simson totokdon in irumogang, dá sia nokuani kon i Tuhan. Sia noguman, “Tuhan, bagupabí in Iko nopountung kon inakó. Yo tanaa degá akuoi in musti matoi in rogang, modapot in domokondon in intau mita in Pilistin inta diá nonotaau kon ini-Mu?”

HAKIM MITA 16:3

Táe ki Simson in diábí nosiug kon tua dapot in doḷo-doḷom. Noonggot kon doḷom nobangon in sia bo minayá kon ḷoḻingkop in ngara in kotá. Irabutnea in ḷoḻingkop tatua takin bayongan in oigi bo takin bonoboinea mita. Onda intua pinotaannea in ḷoḻingkop tatua, bo dinianea kon tudu in buḷud kon ḷoḷan in Hebron.

SAMUEL 1 19:11

Kon doḷom doman tuata ki Saul nopotabá in tongonumai in intau minayá kon i Daud sin motarap kon i Daud bo moḻimod kon inia naonda in doḷo-doḷomdon. Táe ki Mikhal ki buḷoinea in noguman kon inia, “Aka diá moḷagui in iko in doḷom naa, yo ikoḷom doḷo-doḷom notantú bidon kon ḻimodon monia in iko.”

SAMUEL 1 23:26

Ki Saul bo tontaranea in minayá nongin bingkí in buḷud toḷosi bokaka tai Daud takin intaunea mita in kon bingkí kon dotá intua. Ki Daud iḻimikat in noḷagui kon i Saul inta nomangkoidon nongopung sin modomok kon i monia.