HAKIM MITA 16:18 - Alkitab Singog In Mongondow Masa In Tanaa

¹⁸ Nopirisayadon in ki Delila kon ki Simson in totu-totuudon nopotaau kon onu in nobaḻí kino doyonan in ropotnea. Tuamai in sia nokidiadon in habar tanaa kon pongawasa mita in Pilistin, “Angoipa bui komintanpa naa. Ki Simson ain nopotaau in onu inta nobaḻí kino doyonan in ropotnea kon inakó.” Dá namangoidon in mosia kodia-dia in doit ogoi kon i Delila.

HAKIM MITA 16:18 Mawu Ofanana

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

AMSAL 18:8

Moponapud tua in mopiabí in korasaan; intau moibog moḻiom kon tua.

PINOGIAPAN 22:7

Dá minayádon in itoi mita in intau Moab bo Midian tua takin kodia-dia in tondan poguboḻi kon i Bileam sinbá moibog in sia mongutuk kon intau in Israel. Naonda in noiyaput kon i Bileam, mosia nopotaaudon in koyow i Datu Balak.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

HAKIM MITA 16:17

Pangabisannea inoumandon i Simson onu in kino doyonan in ropotnea tatua. “Buokku naa diápa kon dodai in onda in ginonsingan,” guman i Simson. “Akuoi naa in inogoidon kon i Allah nobaḻí kapunyaan-Nea. Nongkon noilahirpamai akuoi naa ain nobaḻí intau Nazir. Aka buokku naa bo gonsingan, yo ropotku naa in moinggamádon; moḻemédon in akuoi bo mobaḻídon ná intau biasa.”

HAKIM MITA 16:19

Nopaḷut mako kon tua ki Delila noyapumai kon buok i Simson nodapot in noḷoḷot kon paanea, bo sia nogoiní kon intau bo nokigonsing in pitu notuḷapid in buok i Simson. Onda intua pinoposikisadon in bobay tatua in ki Simson, sin ropot i Simson in noinggamádon.

HAKIM MITA 16:5

Dá namangoidon in intau ḻima pongawasa in Pilistin kon bobay tatua bo noguman, “Dondouḷugaidon in ki Simson sinbá potaauneadon kon inimu onu in nobaḻí dodoyonan in ropotnea, bo naonda in pongonginggamá kon ropotnea tatua. Aka kotaauandon dá kami in mamangoidon bo motogot kon inia poḷat monaḷow kon inia. Bain kon batúan nami in mobogoidon in doit kon inimu tumongo ribu bo mogatut in doit saḷaka.”