HAKIM MITA 15:6 - Alkitab Singog In Mongondow Masa In Tanaa

⁶ Intau mita in Pilistin minayá notayak mongo ki ine in nomia kon tua. Bo pinotaaudon in intau kon ki Simsonbí in nomia kon tua, sin ki nunutonnea kon Timna ain nobogoi kon i buḷoi Simson kon yobayat tobatú i Simson. Tuamai intau mita in Pilistin nonurub kon bobay tatua takin tombonu in baḷoi amánea dapot in nopayong.

HAKIM MITA 15:6 Mawu Ofanana

AMSAL 22:8

Intau inta moponimboi in tombogá in mokoyutbí kon bodito; imbuitnea kawasanea mogaid kon onu in koibognea in moinggamádon.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

HAKIM MITA 12:1

Kon tungkuḷ intua suku in Epraim nosadiadon sin moparang, bo minayá iḷumoḷan kon Ongkag in Yordan nopobayá ná Zapon. Mosia in noguman kon i Yepta, “Nongonu sin iko in minayá nonubu kon bangusa in Amon tongá diábí nonongganut kon inami? Tanaa in turubondon nami in iko takin tombonu in baḷoimu.”

HAKIM MITA 14:15

Dá kon singgai noginggopat mosia noguman kon i buḷoi i Simson, “Iko in mustibí modondouḷug kon i buḷoimu sinbá potaauneadon kon inami in mangaḻe in tangkínea tatua. Aka diá, yo pokakon nami in iko takin tombonu in baḷoi i amámu. Iko naa in mogoiníbí kon inami sinbá modait in kapunyaan nami!”

HAKIM MITA 15:5

Onda intua pinoyongkitnea in poḷombow mita tatua bo binuḻiannea in ungkú mita in kayuon tatua kon gobá in intau mita in Pilistin. Dá nongopokakdon in bayongan in gandum inta ain sinipun monia kon tua. Dá bayongan in gandum bo gobá mita in anggur noitakin doman nopokak.

HAKIM MITA 15:7

Bo ki Simson noguman kon intau mita in Pilistin tatua, “O, degá natuabí in pomomaḷut monimu kon tua? Akuoi in mongibotbí kon diábí in akuoi tongá kibio-biómai aka diápa monuḻí kon oaid monimu tatua!”