HAKIM MITA 15:14 - Alkitab Singog In Mongondow Masa In Tanaa

¹⁴ Naonda in ki Simson dinia nodapot kon Lehi, intau mita in Pilistin noribatuk in nonontomu kon inia sindaḷan nonggiow kon inia. Bo indoianmai daḻídon in sia noropot sin kawasa i Tuhan. Tontogot mita inta pinotogot kon ḻimanea tatua binontowneadon mako natua naonda bo nomontow kon tontogot inta ain nopokak.

HAKIM MITA 15:14 Mawu Ofanana

HAKIM MITA 14:19

Bo daḻídon in ki Simson nobaḻí noropot sin kinawasadon i Tuhan, bo minayá in sia in Askelon. Kon tua in sia noḻimod kon toḷu nopuḷú in intau ḷoḷaki inta nogiḷambung mongo gaga. Ginamánea in pakeang mita tatua bo inogoi kon i monia toḷu nopuḷú inta nopotaau in mangaḻe in tangkínea. Nopaḷut mako kon tua, sia nobui kon baḷoinea takin noyaat in gina.

MAZMUR 118:11

Mosia in nongopung kon inakó nongkon bayongan in tampat; pinodoyon kon kawasa i Tuhan, sinaḷowku in mosia.

SAMUEL 1 17:35

yo mahaḷuk moraat tatua in aḷowan in bobantungmu naa bo ḷuntaan, bo domba tatua in posaḷamatonku. Bo aka singa andeka beruang tatua monayow kon inakó, dá taganganku, bo ḷuntaan dapot in matoi.

SAMUEL 1 11:6

Nokodongogmai kon tua, ki Saul kinawasa in Roho i Allah.

HAKIM MITA 14:6

bo daḻídon in ki Simson nobaḻí noropot sin kawasa i Tuhan. Bo iyabi-yabineamai in singa tatua takin nomaké in ḻimanea, tongábí naonda bo bembé in mahaḷuk tatua. Onu inta nobaḻí tatua diábí inoumannea kon guranganea.

HAKIM MITA 3:10

Sia in kinawasa in Roho i Tuhan dá sia in nobaḻí itoi kon umat in Israel. Sia in minayá noparang, bo pinopountung i Tuhan in sia nongkon datu in Mesopotamia.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

MIKHA 7:8

Diábí in kinodoyonan in musung mita naton in moḷunganga in gina sin kon kinorimumudan naton. Sin umpakabí noḷabú in kita, yo kita in bui mobangon. Tanaa kita in kon bonu in sindip, táe ki Tuhan in monimbayagbí kon i naton.

MAZMUR 18:34

Sia in noporoton in sioḷku naonda bo sioḷ in rusa, bo noḷukad kon kasaḷamatanku kon buḷud.

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

SAMUEL 1 4:5

Naonda in Poti Dodandian tatua nodapot kon pinononḷoḷaigan, norogiowdon noropot in intau in Israel, nodapot in nodandú in butá.

HAKIM MITA 16:24

Koyogot in mosia norame takin ḷunganga in gina mosia noguman, “Diadon mangoi in ki Simson sinbá sia in baḻíon naton yambá!” Dá mosia in nogamá kon i Simson nongkon ponjara, bo sia in binaḻí monia yambá. Pinoki sindogan monia in sia kon sigad in oigi doyowa inta moḷoben. Naonda in intau mobayong tatua nokoontong kon i Simson, mosia in nodayow kon i Dagon bo nodondong, “Dewa naton ain nopountung kon inaton nongkon musung inta ain nomoguraat kon butá naton bo noḻimod kon nobayong totok in intau naton!”

HAKIM MITA 16:12

Koyogot in intau in Pilistin mogoḷat mako kon yuang ibanea, ki Delila nogamá kon tongonumai in tontogot inta nobagu, bodongka notogot kon i Simson. Onda intua sia nomaḷú, “Simson! Intau in Pilistin nion!” Táe binontow i Simson in tontogot mita tatua nongkon ḻimanea naonda bo nomontow kon siningkoi.

HAKIM MITA 5:30

“Mosia in koyogot mosilai kon onu inta inagow monia kon parang, kon batúan in tontara, tobatú ande doyowa in mongodeaga. Kon i Sisera, bahan ḷambung inta totok in mongomahaḷ, kon i bokí, in aḷuang inta sinujian in noyagi-yagimai in batangannea.”

IḶUAIAN 14:5

Naonda in ki datu in Mesir nokodongogdon kon bangusa Israel noḷaguidon, sia bo pogawainea mita inangoiandon in manasaḷ bo poḷat noguman, “Onu in pomiaan naton? Nongonu sin pomayábí mako naton intau mita Israel tatua mayá modapot in kita kobuḻiandon in ata mita?”

IḶUAIAN 14:3

Iraimai i Datu in Mesir intau Israel minayádon nongkon butá tanaa bo noiḷangkamdon kon padang gurun.

HAKIM MITA 15:13

“Mopia,” guman monia, “totuu kon kami naa in tongábí motogot bo mobogoi kon intau in Pilistin in iko. Kami in diábí moḻimod kon inimu.” Bo sinogotdon monia in sia takin nomaké in tontogot doyowa inta nobagupa, bo dinia in sia nongkon angob tatua.

HAKIM MITA 15:9

Dá intau in Pilistin namangoi kon butá in Yohuda bo nononḷoḷaigan kon tua, onda intua nonubu kon kotá in Lehi.

SAMUEL 1 10:6

Kon dodai doman in tuata iko in kawasaandon in Roho i Tuhan bo iko in dumuduidon kon tayok mita bo giow monia tua, bo iko in ogoiandon in dodia mobagu dá mobaḻídon intau ibanea.

SAMUEL 1 10:10

Naonda in ki Saul bo bobantungnea noyaput kon Gibea, noyodungkuḷ in mosia in nabi mita. Kon dodai doman intua ki Saul kinawasa in Roho i Allah, bo sinumakindon in sia notayok bo norogiow takin nabi mita tatua.