HAKIM MITA 15:12 - Alkitab Singog In Mongondow Masa In Tanaa

¹² Guman monia, “Kami naa in mamangoi sin motogot bo moposarakan kon inimu kon intau in Pilistin.” Ki Simson in noguman, “Podandidon muna kon moiko in diábí moḻimod kon inakó.”

HAKIM MITA 15:12 Mawu Ofanana

DATU MITA IMITÁNEA 2:25

Dá ki Datu Salomo in nobogoidon in parenta kon i Benaya, bo ki Benaya minayá noḻimod kon i Adonia.

DATU MITA IMITÁNEA 2:34

Dá minayádon in ki Benaya kon Baḷoi Tuhan bo noḻimod kon i Yoab kon tua. Bo ki Yoab in iḷobong kon baḷoinea kon ḷuai in kotá.

MATIUS 27:2

Sinogot monia in Sia, bo dinia pinosarakan kon i Pilatus, gubernur kon butá tatua.

OUMAN IN RASUL MITA 7:25

Iraineamai kino mangaḻeanbí i utatnea mita intau in Israel kon sia tua in pinakébí i Allah mopoḷuat kon i monia. Naanta yo diábí kino mangaḻean monia.

HAKIM MITA 15:11

Nokodongogmai kon tua, minayádon in 3.000 intau in Yohuda kon angob kon buḷud batu kon Etam. Kon tua mosia noguman, “Simson, degá diábí kinotaauan monimu kon intau in Pilistin ain nongawasa kon inami? Onubí degá in pomiaanmu kon inami?” Ki Simson in notubag, “Akuoi in tongábí motuḻí kon onu inta ain pinomia monia kon inakó.”

HAKIM MITA 15:13

“Mopia,” guman monia, “totuu kon kami naa in tongábí motogot bo mobogoi kon intau in Pilistin in iko. Kami in diábí moḻimod kon inimu.” Bo sinogotdon monia in sia takin nomaké in tontogot doyowa inta nobagupa, bo dinia in sia nongkon angob tatua.

HAKIM MITA 8:21

Ki Zebah bo ki Salmuna noguman kon i Gideon, “Koḻigai, aka iko ḷoḷaki, yo ikodon tontaní in moḻimod kon inami!” Dá iḻimodon i Gideon in mosia bo poḷat ginamánea in ḷambá inta kon sigogow in unta monia.