HAKIM MITA 15:11 - Alkitab Singog In Mongondow Masa In Tanaa

¹¹ Nokodongogmai kon tua, minayádon in 3.000 intau in Yohuda kon angob kon buḷud batu kon Etam. Kon tua mosia noguman, “Simson, degá diábí kinotaauan monimu kon intau in Pilistin ain nongawasa kon inami? Onubí degá in pomiaanmu kon inami?” Ki Simson in notubag, “Akuoi in tongábí motuḻí kon onu inta ain pinomia monia kon inakó.”

HAKIM MITA 15:11 Mawu Ofanana

TAWARIKH 1 4:3

Ki adí ḷoḷaki guya-guyang i Kaleb kon i buḷoinea inta ki Eprat in ki Hur. Buí i Hur in inta noposindog in kotá in Betlehem. Ki Etam, ki Pnuel bo ki Ezer in ki adí mita i Hur. Ki Etam in kogadí kon ḷoḷaki taya toḷu inta ki Yizreel, ki Isma bo ki Idbas, bo tobatú in adí bobay inta ki Hazelelponi. Ki Pnuel in noposindog in kotá in Gedor bo ki Ezer in noposindog in kotá in Husa.

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

ULANGAN 28:13

Ki Tuhan Allahmu in mopobaḻíbí kon i monimu itoi kon sigad in bangusa mita, bo deemanbí tongá dumodudui. Aka moiko mosatia in dumudui kon bayongan parenta i Tuhan inta pinotaauku kon inimu singgai naa, kobobiag monimu in kodugang-kodugangdon motompia bo diábí dodai in onda in umundok.

ULANGAN 28:43

Intau ango-angoi inta nogutun kon butámu in modugangdon in kawasa monia, bo kawasamu tontaní in kogaat-kogaatdon.

HAKIM MITA 13:1

Intau in Israel buidon binaradosa kon i Tuhan, bo ki Tuhan in nopomayádon mako kon intau in Pilistin nongawasa kon i monia opat nopuḷú notaong in koonggotnea.

HAKIM MITA 14:4

Guranga i Simson diábí nonotaau kon ki Tuhanbí in nopobaḻí kon Simson momia kon natua. Sin ki Tuhan in motayakdon kon kasampatan momarang kon intau in Pilistin. Kon tungkuḷ intua intau in Pilistin nongawasadon kon intau in Israel.

HAKIM MITA 15:10

Intau in Yohuda noḻibó kon intau in Pilistin, “Nongonu sin moiko in nonububí kon inami?” Mosia in notubag, “Kami in mamangoi sin modomok kon i Simson sinbá motaau popoaid nami kon inia in onu inta ain pinopoaidnea kon i nami.”

HAKIM MITA 15:12

Guman monia, “Kami naa in mamangoi sin motogot bo moposarakan kon inimu kon intau in Pilistin.” Ki Simson in noguman, “Podandidon muna kon moiko in diábí moḻimod kon inakó.”