HAKIM MITA 14:4 - Alkitab Singog In Mongondow Masa In Tanaa

⁴ Guranga i Simson diábí nonotaau kon ki Tuhanbí in nopobaḻí kon Simson momia kon natua. Sin ki Tuhan in motayakdon kon kasampatan momarang kon intau in Pilistin. Kon tungkuḷ intua intau in Pilistin nongawasadon kon intau in Israel.

HAKIM MITA 14:4 Mawu Ofanana

DATU MITA IMITÁNEA 12:15

Onu inta pinoigum in rayat diábí inindoianneamai. Táe tua in kinoibogbí i Tuhan. Onu inta ain pinoguman i Tuhan pinongin i Nabi Ahia nongkon Silo soaḷ ki Yerobeam adí i Nebat in mustibí mobaḻí.

DATU MITA IMITÁNEA 12:24

“Dikabí momarang kon i utatmu mita intau in Israel. Pobuidon! Onu inta nobaḻí tua in ibog-Kubí.” Dá mosia komintan dinumuduidon kon parenta i Tuhan, bo nobuidon kon baḷoinea-baḷoinea.

DATU MITA 2 6:33

Diápa nopaḷut in ki Elisa nosingog, ki datu noidapotdon intua bo noguman, “Roriga tanaa ki Tuhanbí in nopoḷabú kon inaton! Dá onupabí in mangaḻenea in akuoi moharap mako kon totuḷung-Nea?”

TAWARIKH 2 10:15

Onu in pinoigum in rayat tua in diábí pinandungneamai. Táe tua in inta kinoibogbí i Tuhan Allah. Onu inta pinoguman i Tuhan pinongin i Nabi Ahia nongkon Silo soaḷ ki Yerobeam ki adí i Nebat in mustibí mobaḻí.

TAWARIKH 2 22:7

Ki Allah in nonantúdon kon ki Ahazia in matoibí kon dodai in sia mokipodungkuḷ kon i Yoram. Kon pinoyodungkuḷan tatua ki Ahazia bo ki Yoram in sinayowan in intau tobatú inta ki Yehu in tangoinea ki adí i Nimsi, inta ain piniḻí i Tuhan moyompat kon motoḷuadí i Datu Ahab.

TAWARIKH 2 25:20

Táe ki Amazia, datu in Yohuda in diábí nopandungmai kon singog i Yoas datu in Israel. Bo ki Allah in noibog bidon sinbá ki Amazia in taḷowondon sin sia in nosumbadon kon patong berhala in intau in Edom.

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

DANIEL 6:4

Bo noniata magí oaidan i Daniel in mopia-pia nongkon pogogaid in gubernur mita bo pongawas mita ibanea. Tuamai in ibogon i datu sia duíon mobaḻí pongawasa kon sinangkub in dodatuan.

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.

HAKIM MITA 13:1

Intau in Israel buidon binaradosa kon i Tuhan, bo ki Tuhan in nopomayádon mako kon intau in Pilistin nongawasa kon i monia opat nopuḷú notaong in koonggotnea.

HAKIM MITA 14:5

Dá minayádon in ki Simson in Timna noyotakin in guranganea. Kon dodai in mosia noitaḻib kon gobá in anggur, ki Simson noyodungkuḷ in singa batánea tobatú. Singa tatua noganggor,

HAKIM MITA 15:11

Nokodongogmai kon tua, minayádon in 3.000 intau in Yohuda kon angob kon buḷud batu kon Etam. Kon tua mosia noguman, “Simson, degá diábí kinotaauan monimu kon intau in Pilistin ain nongawasa kon inami? Onubí degá in pomiaanmu kon inami?” Ki Simson in notubag, “Akuoi in tongábí motuḻí kon onu inta ain pinomia monia kon inakó.”

HAKIM MITA 15:3

Ki Simson noguman, “Onu in pomiaanku kon intau in Pilistin tanaa, in deemanbí taḷáku!”