HAKIM MITA 14:11 - Alkitab Singog In Mongondow Masa In Tanaa

¹¹ Naonda in intau in Pilistin nokoontong kon inia, mosia nomiḻídon kon tayowmobiag toḷu nopuḷú sin mogindua kon inia.

HAKIM MITA 14:11 Mawu Ofanana

AYUB 41:6

Degá sia in potaḷui in intau mita inta mododomok kon toyá bo silaion magí-mako kon intau mita mopopotaḷui?

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

HAKIM MITA 14:10

Naonda in ki amá i Simson minayá kon baḷoi in mongodeaga tatua, ki Simson nomia kon rame kon tua, sin natuabí in kabiasaan in tayowmobiag mita.

HAKIM MITA 14:12

Bo ki Simson noguman kon i monia, “Oyúon in tangkíku. Aka kotaauan monimu, yo ogoianku in moiko kon batúannea in kaeng lenan inta moaḷus bo tumongo par in pakeang inta mogaga. Moiko in ogoianku in wakutu pitu nosinggai kon dodai in oyúonpa in rame tanaa, in motayak kon onu in mangaḻenea.

SAMUEL 1 10:23

Bo ḷagidon in mosia minayá nonontomu kon i Saul nongkon tua, bo dinia monia kon yua-yuak in rayat. Dá sinimindogdon in ki Saul kon sigad monia bo siadon in moḷantu-ḷantud nongkon i monia komintan; intau ibanea in tongá kon mangoi mita in obaganea.

SAMUEL 1 16:6

Naonda in mosia noyosipun bo ki Samuel nokoontong kon i Eliab adí i Isai, kon raiannea, “Notantú bidon kon sia naa inta piḻíon i Tuhan.”