HAKIM MITA 13:6 - Alkitab Singog In Mongondow Masa In Tanaa

⁶ Nopaḷut mako kon tua ki buḷoi Manoah minayá kon i buḷoinea bo noguman, “Uḻe, totabá i Allah in namangoi kon inakó; batangannea in ná malaekat i Allah, dá inagían in ondok in akuoi. Diábí in akuoi noḻibó mongo nongkon onda in sia, bo diábí doman pinogumannea in tangoinea kon inakó.

HAKIM MITA 13:6 Mawu Ofanana

KINOBAḺIAN 18:2

Naonda in sia dinumungádon monik, sia in nokoontong kon intau taya toḷu sinimindog kon tayowonnea. Ki Abraham in baḷú noribatuk sin monontomu kon i monia tua. Takin sinumungkud

KINOBAḺIAN 32:29

Ki Yakub in noguman, “Pogumandon tangoi Tuang.” Táe intau tatua notubag, “Diábí paraḷu iko moḻibó mongo ki ine in tangoiku!” Bo binarakatanneadon in ki Yakub.

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA IMITÁNEA 17:24

Boba-bobay tatua in notubag, “Tanaa in kinotaauankudon kon ki Amá in mogogundoibí i Allah bo tosingogon i Amá in totuubí nongkon i Tuhan!”

DATU MITA 2 4:16

Bo ki Elisa in noguman kon inia, “Taong moiduduimai, kon oras ná tanaa, ki iná in mokoyot bidon kon adí mointok ḷoḷaki.” “Amá, dika monguboḷ!” guman in bobay tatua. “Ki Amá naa in mogogundoi i Allah!”

DATU MITA 2 4:9

Onda intua nogumandon in bobay tatua kon i buḷoinea, “Noyakinbí in akuoi kon ki amá inta mokakit mongandup kon naa tua in totu-totuubí kon mogogundoi i Allah.

IḶUAIAN 3:2

Kon tua malaekat i Tuhan nokipogontong kon inia kon bonu in dokot in tuḷú inta iḻumuai nongkon yua-yuak in ḻimbuyun. Ki Musa in nokoontong kon bonok in ḻimbuyun tatua dinumokot, táe diábí nopokak.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

DANIEL 10:11

Malaekat tatua in noguman kon inakó, “Daniel, iko in kinotabi i Allah. Bangondon bo sindogdon bo indongogai in singogku mita tanaa kopiaan. Akuoi naa in pinotabádon namangoi kon inimu.” Naonda in sia noguman kon tua, sinimindogdon in akuoi takin urot.

DANIEL 10:5

Akuoi in iḷumangag, bo inontongku in intau tobatú inta nogiḷambung nongkon linen bo baan nongkon buḷawan taakan.

DANIEL 8:17

Bo ki Gabriel inta sinimindog kon tayowonkumai tatua dinimiug kon inakó. Akuoi in inangoiandon totok in ondok, dá noumpag in akuoi. Guman i Gabriel kon inakó, “Ei intau mato-matoi, mustibí kotaauanmu kon oontongon tatua in mopoontongbí in inta mobaḻí kon singgai tumi.”

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

LUKAS 9:29

Wakutu in ki Yesus yogot nosambayang kon tua, indoianmai yo pogot-Nea in nobaḷui bo ḷambung-Nea in nobaḻídon nobudó mopouḻi-uḻinag.

OUMAN IN RASUL MITA 6:15

Bayongan in intau kon pinosidangan tatua komintan inimindoi kon i Stepanus. Inontongmai monia in pogot i Stepanus nádon pogot in malaekat.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

YOSUA 14:6

Kon singgai tobatú intau mita nongkon suku Yohuda namangoi kon i Yosua kon Gilgal. Intau tobatú nongkon sigad monia inta ki Kaleb adí i Yepune intau in Kenas, in noguman, “Yosua! Iko in nonotaaubí kon onu in pinoguman i Tuhan kon i Musa, totabá i Allah tua, kon Kades-Barnea soaḷ iko bo akuoi.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

HAKIM MITA 13:10

Dá, noribatuk in sia minayá nopotaau intua kon i buḷoinea, “Uḻe, indoiaika, dá intau inta koḻipod namangoi kon inakó tatua, namangoi bui!”

HAKIM MITA 13:22

Bo ki Manoah in noguman kon i buḷoinea, “Matoidon in kita sin kita in nokoontongdon kon i Allah!”

HAKIM MITA 13:3

Táe kon singgai tobatú malaekat i Tuhan nokipogontong kon i buḷoinea bobay bo poḷat noguman, “Naa in koonggotnea iko in diábí nokouḻí kon adí, táe diá bidon moonggot bo iko in monogusiandon, bo mokouḻí kon adí ḷoḷaki.

HAKIM MITA 13:7

Táe sia in noguman kon inakó kon akuoi in monogusiandon bo mokouḻí kon adí ḷoḷaki. Sia in noguman doman kon akuoi in diábí motaau in monginum kon anggur andeka oinumon ibanea inta mokoḷoḷangu, andeka mokaan kon kaanon inta pinoton, sin adí tatua in mustibí ogoi kon i Allah sin mobaḻí intau inta mogogundoi kon bonu in sia mobiagpa.”

HAKIM MITA 13:8

Nokodongogmai kon natua, nosambayangdon in ki Manoah kon i Tuhan, nanaa, “Tuhan, aka motaau yo buipa potabá-Mu mangoi in mogogundoi-Mu tatua kon inami sin mopotaau kon onu in musti pomiaan nami kon adí tatua naonda in sia pononggadí.”

HAKIM MITA 6:11

Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.

SAMUEL 1 2:27

Kon singgai tobatú namangoidon in nabi tobatú kon i Eli bo nopotaau in koyow nongkon i Tuhan kon inia, kai-Nia, “Kon tungkuḷ in mogoguyangmu ki Harun bo motoḷuadínea nobaḻí ata i datu in Mesir, nokipogontongdon in Akuoi kon i Harun.

SAMUEL 1 9:6

Bobantung tatua notubag, “Oḷatpa muna! Kon kotá tanaa oyúon in mogogundoi i Allah. Totok in sia ihoromat in intau sin onu in singogonnea in totu-totuubí kon mobaḻí. Igai in kita mayá kon inia, dika-dika bo motaaubí ḻibóon kon inia mongo kon onda in keledai mita tatua.”