HAKIM MITA 13:5 - Alkitab Singog In Mongondow Masa In Tanaa

⁵ Naonda in adí tatua pononggadíondon, donaai mokoimontanmai in monggonsing kon buoknea, sin pinangkoipa kon bonu in sian sia aindon sinantú mobaḻí intau nazir. Siadon in moḷongasi totok sin mopoḷuat kon intau in Israel nongkon kawasa in intau in Pilistin.”

HAKIM MITA 13:5 Mawu Ofanana

SAMUEL 2 8:1

Noiduduimai kon tua ki Datu Daud nonubu bui kon intau in Pilistin. Sinaḷownea in mosia bo poḷat nogagow kon butá monia.

TAWARIKH 1 18:1

Diá noonggot kon tua ki Datu Daud nonubu bo nonaḷow kon intau in Pilistin poḷat nogagow kon kotá in Gad takin ḻipú mita kon diugneamai.

AMOS 2:11

Akuoi in nomiḻídon kon tongonumai in adímu mita sin mobaḻí nabi, bo tongonumai in tayowmobiagmu sin mobaḻí intau Nazir. Totuubí intua, ei intau mita in Israel? Akuoi, ki Tuhan ain nosingog.

PINOGIAPAN 6:5

Kon bonu in sia nodandi diábí in sia motaau mokigonsing andeka mokibangkuḷug. Kon bonu in sia mopobayápa in oaidannea tatua, buoknea andeka kuminea musti pomayáneadon mako in koḷanggóannea. Sia noitogotpa kon dandinea modapot in oaidannea kon i Tuhan mopaḷut.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

HAKIM MITA 16:17

Pangabisannea inoumandon i Simson onu in kino doyonan in ropotnea tatua. “Buokku naa diápa kon dodai in onda in ginonsingan,” guman i Simson. “Akuoi naa in inogoidon kon i Allah nobaḻí kapunyaan-Nea. Nongkon noilahirpamai akuoi naa ain nobaḻí intau Nazir. Aka buokku naa bo gonsingan, yo ropotku naa in moinggamádon; moḻemédon in akuoi bo mobaḻídon ná intau biasa.”

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”

SAMUEL 1 7:13

Natuata in nobaḻí, intau in Pilistin sinaḷow. Diá inogoi i Tuhan in mosia sinumuot bui kon butá in Israel, kon dodai in ki Samuel nobiagpa.