HAKIM MITA 13:1 - Alkitab Singog In Mongondow Masa In Tanaa

¹ Intau in Israel buidon binaradosa kon i Tuhan, bo ki Tuhan in nopomayádon mako kon intau in Pilistin nongawasa kon i monia opat nopuḷú notaong in koonggotnea.

HAKIM MITA 13:1 Mawu Ofanana

YEREMIA 13:23

Motaau degá in intau morondí momaḷui kon kuḻitnea, andeka harimau monginggamá kon baḷangnea? Notantúbí kon diá! Natuabí doman in moiko inta aid moraat noipakédon yo diábí domandon inta mogaid kon inta mopia.

SURAT I PAULUS KON JAMAAT RUM 2:6

Ki Allah in mobogoibí in tontuḻínea podudui in oaid monia.

IBRANI 11:32

Uḻe, nobayongpabí doman in motaauku oumanon, táe diádon i wakutuku mongonguman kon soaḷ tai Gideon, ki Barak, ki Simson, ki Yepta, ki Daud, ki Samuel bo nabi mita.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

HAKIM MITA 10:7

Tuamai in sinumorú in ki Tuhan kon umat in Israel, dá pinomayá-Neadon mako in bangusa in Pilistin bo bangusa in Amon nongawasa kon i monia.

HAKIM MITA 12:15

Onda intua minatoi in sia bo iḷobong kon Piraton kon butá in Epraim kon buḷud in intau Amalek.

HAKIM MITA 14:4

Guranga i Simson diábí nonotaau kon ki Tuhanbí in nopobaḻí kon Simson momia kon natua. Sin ki Tuhan in motayakdon kon kasampatan momarang kon intau in Pilistin. Kon tungkuḷ intua intau in Pilistin nongawasadon kon intau in Israel.

HAKIM MITA 15:11

Nokodongogmai kon tua, minayádon in 3.000 intau in Yohuda kon angob kon buḷud batu kon Etam. Kon tua mosia noguman, “Simson, degá diábí kinotaauan monimu kon intau in Pilistin ain nongawasa kon inami? Onubí degá in pomiaanmu kon inami?” Ki Simson in notubag, “Akuoi in tongábí motuḻí kon onu inta ain pinomia monia kon inakó.”

HAKIM MITA 15:20

Doyowa nopuḷú notaong in koonggotnea in ki simson nobaḻí itoi kon umat in Israel kon tungkuḷ in mosia kinawasa in intau in Pilistin.

HAKIM MITA 2:11

Onda intua intau in Israel binaradosadon kon i Tuhan. Mosia in diá bidon nosumba kon i Tuhan, Allah in mogoguyang monia, ki Allah inta ain nodia kon i monia iḻumuai nongkon Mesir. Mosia nomangkoidon nosumba kon i Baal bo kon i Asytoret takin dewa mita ibanea inta sinumba in bangusa mita inta kon diugmai monia. Dá ki Tuhan sinumorú kon i monia bo pinomayá-Neadon mako in musung nonubu bo nogagow kon i monia. Mosia kinodaitandon in akaḷ in tumayow kon musung mita inta ain noḻipung kon i monia.

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.

HAKIM MITA 4:1

Naonda in ki Ehud minatoi, bangusa in Israel binaradosadon bui kon i Tuhan.

HAKIM MITA 6:1

Komintanpa doman in umat Israel nogaid kon dosa kon i Tuhan, dá pinomayá-Neadon mako in bangusa in Midian nongawasa kon i monia pitu notaong in koonggotnea.

SAMUEL 1 12:9

Táe noiduduimai kon tua mosia in nokoḻiongdon kon i Tuhan, Allah monia, tuamai in pinomayáneadon in mosia sinubu bo sinaḷow i Sisera, panglima in tontara kon Hazor, bo in intau mita in Pilistin takin datu in Moab.

SAMUEL 1 4:9

Korigon in ginamu, ei intau mita in Pilistin! Poparangdon ná ḷoḷaki, aka diá yo moiko in mobaḻídon ata in intau mita in Ibrani tatua, ná koḻipod mosia nobaḻí ki ata monimu. Tuamai in poparangdon takin kotorindog bo kobarani!”

SAMUEL 1 7:13

Natuata in nobaḻí, intau in Pilistin sinaḷow. Diá inogoi i Tuhan in mosia sinumuot bui kon butá in Israel, kon dodai in ki Samuel nobiagpa.