HAKIM MITA 12:4 - Alkitab Singog In Mongondow Masa In Tanaa

⁴ Onda intua ki Yepta nosipun kon bayongan in intau in Gilead, bo nomarang poḷat nonaḷow kon intau in Epraim. (Intau in Gilead inta nogutun kon Epraim bo kon Manasye aindon pinoponapudan in intau in Epraim kon mosia in aindon sinumondí nongkon Epraim, sukunea.)

HAKIM MITA 12:4 Mawu Ofanana

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

NEHEMIA 4:4

Dá nosambayangdon in akuoi, “Oo Allah, indongogaipa kaasí in naonda in pinononingkuḻe kon inami! Popountudon bui kon uḷu monia tontaní in singkuḻe monia tatua. Biódon mako in bayongan kapunyaan monia in agowon bo mosia tontaní in akuton nobaḻí intau inta dinakop pobayá in butá ibanea.

MAZMUR 78:9

Suku in Epraim inta sinompakakatan in piot bo puḷunea, noḷagui kon tungkuḷ in noparang.

AMSAL 12:13

Intau moraat in koakaḷan in tosingogon mita moraat inta siningognea; intau mopia kotaḻiban in roriga.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

HAKIM MITA 11:10

Mosia in notubag, “Moibog in kami. Ki Tuhandon in nobaḻí sakusi.”

HAKIM MITA 12:3

Dá naonda in kinotaauanku kon moiko in diábí mamangoi motuḷung kon inakó, nomakisadon in akuoi minayá nomarang kon intau mita in Amon tatua, umpakabí akuoi matoi. Bo ki Tuhan nopountung kon inakó nongkon i monia. Yo nongonu sin tanaa moiko in mamangoibí monubu kon inakó?”

HAKIM MITA 12:5

Intau mita in Gilead inta noparang tatua, nongawasadon kon tampat mita inta ḷoḷoḷanan kon Ongkag in Yordan, sinbá motaau moḷabot kon intau mita in Epraim inta moḷagui. Kon dodai in oyúon intau Epraim, inta moḷagui, bo mopoigum sinbá ogoipa ḷumoḷan, dá intau in Gilead moḻibó kon inia, “Degá iko naa intau in Epraim?” Aka sia motubag, “Deeman,”

SAMUEL 1 25:10

Táe ki Nabal in notubag, “Ki Daud? Ki ine in sia? Ki inebí in ki adí i Isai tua? Diápabí kon dodai onda in kino dongoganku in soaḷ sia tua! Kon singgaimai tumi naa mobayong in bobantung inta moḷagui nongkon i Tuangnea in kon butá tanaa!