HAKIM MITA 12:3 - Alkitab Singog In Mongondow Masa In Tanaa

³ Dá naonda in kinotaauanku kon moiko in diábí mamangoi motuḷung kon inakó, nomakisadon in akuoi minayá nomarang kon intau mita in Amon tatua, umpakabí akuoi matoi. Bo ki Tuhan nopountung kon inakó nongkon i monia. Yo nongonu sin tanaa moiko in mamangoibí monubu kon inakó?”

HAKIM MITA 12:3 Mawu Ofanana

TAWARIKH 2 13:12

Itoi nami in ki Allah tontaní bo imang-Nea mita in kon naa. Mosia in nosadiadon mogirup kon torompet nobaḻí tomponuot kon kami in monubudon kon i monimu. Ei intau in Israel, dikabí moḷawang kon i Tuhan, Allah in mogoguyangmu! Diábí in moiko mokountung!”

AYUB 13:14

Akuoi mobaranibí in mopotaru in kobiagan!

MAZMUR 119:109

Akuoi in umuranbí moposarakan in kobiaganku, táe akuoi diábí mokoḻiong kon hukum-Mu.

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

HAKIM MITA 11:27

Diábí, kami in diábí kotaḷá kon inimu. Ikobí nion in kotaḷá sin ain nonubu kon inami. Ki Tuhanbí in hakim singgai in naa inta monantú kon pelekara kon sigad in bangusa in Israel bo bangusa in Amon.”

HAKIM MITA 12:2

Nosingogdon in ki Yepta, “Kon sigad in intau in Amon bo inami intau in Gilead oyúon in rogenggeng inta motoyang totok. Moiko inoiníkudon motuḷung mopoḷuat kon inakó nongkon kawasa in intau mita in Amon tatua, táe moiko in diábí namangoi.

HAKIM MITA 12:4

Onda intua ki Yepta nosipun kon bayongan in intau in Gilead, bo nomarang poḷat nonaḷow kon intau in Epraim. (Intau in Gilead inta nogutun kon Epraim bo kon Manasye aindon pinoponapudan in intau in Epraim kon mosia in aindon sinumondí nongkon Epraim, sukunea.)

HAKIM MITA 9:17

inta ain irumopot totok sin kopontingan monimu? Pokotorop, sia ain nopotaru in nyawanea sin mopoḷuat kon i monimu nongkon kawasa in intau mita in Midian.

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”

SAMUEL 1 28:21

Doduataan tatua in dinimiug kon i Saul bo inontongnea kon totokdon in sia notoboḻingo: tuamai in bobay tatua noguman kon inia, “Tuangku, bobantung naa in nopotarudon in nyawa sin mogaid kon onu inta ain pinoigum i Tuang.