HAKIM MITA 11:26 - Alkitab Singog In Mongondow Masa In Tanaa

²⁶ Toḷu nogatut notaong in koonggotnea Israel nongawasa kon Hesybon bo Aroër takin ḻipú mita inta kon ḻibuneamai, bo bayongan in kotá mita inta kon bingkí in Ongkag in Arnon. Bo nongonu sin kon dodai intua diábí ginamámu bui?

HAKIM MITA 11:26 Mawu Ofanana

YEREMIA 48:19

Moiko inta nogutun kon Aroër, sindogdon kon bingkí in daḷan bo tondudutka! Ḻibódon kon i monia inta noḷagui, bo inta nosaḷamat, ‘Onu degá in nobaḻí?’

OUMAN IN RASUL MITA 13:19

Bo pitu nobangusa in pinutúan-Nea kon butá in Kanaan tatua sin mosila-silai mako kon butá tatua kon bayongan in intau Israel sinbá mobaḻí kapunyaan monia.

ULANGAN 2:24

“Naonda in kita nonaḻib kon butá in Moab, ki Tuhan noguman kon i naton, ‘Bayádon in tanaa mako ḷumoḷan kon Ongkag in Arnon. Ogoi-Kudon kon i monimu in Sihon, datu in Amori inta nomarenta kon Hesybon, takin butánea. Tubudon in sia, bo ḻitúaidon in butánea.

ULANGAN 2:36

Takin totuḷung i Tuhan Allah naton, kita nokoagow kon bayongan kotá tatua, pinangkoi kon Aroër, kon popod in Ḷopá in Arnon, bo kotá kon yuak in ḷopá tatua, nodapot kon butá in Gilead. Diábí in dinding kotá inta motogat naton umpagon.

ULANGAN 3:2

Táe ki Tuhan noguman kon inakó, ‘Dika moondok kon inia, Musa. Ogoi-Ku bidon in sia, tontaranea bo bayongan butánea kon inimu. Popoaidon kon inia ná inta pinopoaidmu kon i Sihon, datu in Amori inta nomarenta kon Hesybon,’

ULANGAN 3:6

Bayongan kotá tatua irimumud naton, bo bayongan intau ḷoḷaki, bobay bo adí mita monia iyopú naton, ná inta pinogogaid naton kon kotá mita i Datu Sihon nongkon Hesybon.

YOSUA 12:2

Tobatú in tangoinea in ki Sihon, datu in Amori inta noiḻitú kon Hesybon. Butá inta kon bonu in kawasanea in tongobotak in butá in Gilead; inta nongkon Aroër (kon bingkí in Ḷopá in Arnon) bo kotá inta kon yua-yuak in ḷopá tatua nodapot in kinoouput in Ongkag in Yabok inta kon pinosigadan in butá in bangusa Amon;

YOSUA 12:5

Butá kinawasanea in nongkon Buḷud in Hermon, Salkha, bo bayongan in Basan nodapot in kinoyoyayú in butá in Gesur bo Maakha; bo noitakin doman in tobotak in butá in Gilead nodapot in kinoouput in butá inta kinawasa i Datu Sihon kon kotá in Hesybon.

YOSUA 13:10

bo nodapot kon pinosigadan in butá in Amon, noituot doman in bayongan in kotá inta nokoimontandon kinawasa i Sihon, datu in Amori, inta noiḻitú kon Hesybon.

YOSUA 13:16

Butá monia tua in nongkon Aroër (kon bingkí in Ḷopá in Ongkag in Arnon) bo kotá inta kon yua-yuak in ḷopá tatua nodapot kon bayongan in rata inta moḷantud kon diugmai in Medeba;

YOSUA 13:17

noituot doman in Hesybon bo bayongan in kotá inta kon rata moḷantud tatua, tuata in Dibon, Bamot-Baal, Bet Baal-Meon,

YOSUA 23:1

Noonggot naonda in ki Tuhan nobogoi in kobiagan notompia kon umat in Israel; mosia in diá bidon sinuyayow in musung. Kon dodai intua ki Yosua nogoguyangdon totok.

HAKIM MITA 10:8

Mopuḷú bo waḷu notaong in bangusa doyowa tatua nopoyoyigamai kon bayongan intau in Israel inta nogutun kon Gilead, tuata in butá in intau Amori kon dotá in pomukan kon Ongkag in Yordan. Moraatdon totok in pinogogaid monia kon intau in Israel.

HAKIM MITA 3:11

Dá nobiagdon noaman bo notompia in butá tatua kon bonu in opat nopuḷú notaong in koonggotnea. Onda intua minatoidon in ki Otniel.

HAKIM MITA 3:30

Singgai intua Moab sinaḷow in Israel, dá noaman bo nobiagdon notompia in butá tatua waḷu nopuḷú notaong in koonggotnea.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.

HAKIM MITA 8:28

Intau in Midian diádon mokopongonu; mosia in sinaḷowdon in intau Israel. Dá noamandon in butá tatua kon bonu in opat nopuḷú notaong in koonggotnea kon dodai in ki Gideon nobiagpa.

HAKIM MITA 9:22

Toḷu notaong in ki Abimelek nomarenta kon Israel.