HAKIM MITA 11:2 - Alkitab Singog In Mongondow Masa In Tanaa

² Ki amánea in kogadí doman kon adí mita ḷoḷaki ibanea nongkon i buḷoinea inta sinonibuḷoinea. Naonda in adí mita tatua nongo itoidon, pinoguntundon monia in ki Yepta nongkon baḷoi amánea. Guman monia kon inia, “Iko in diábí mokouḻí kon tonsilai onuka nongkon i amá nami, sin iko nion in adíbí nongkon bobay ibanea.”

HAKIM MITA 11:2 Mawu Ofanana

KINOBAḺIAN 12:10

Táe kon Kanaan koyogot in malarat moḷoben, tuamai ki Abram in minayápa bui in tampat inta moyayu-yayú nopobayá in toḷatan, kon butá in Mesir sin mogutun kon tua modapot in malarat tatua mopaḷut.

KINOBAḺIAN 21:10

Soaḷ tatua inontong i Sara bo binayánea pinotaau kon i Abraham, “Untundon in bobantung bobay tatua takin ki adínea, sin diábí motaau ki adí in bobay tatua mogabat kon kapunyaanmu inta ogoi mobaḻí silai i Ishak ki adíku.”

AMSAL 2:16

Iko, adíku, in mokotaḻingbí kon dondouḷug in bobay sundaḷ inta moḷongasi modondouḷug kon inimu pongin tosingogon mita inta mopia.

AMSAL 5:20

Onu in mangaḻenea in mongibog kon bobay ibanea, adíku? Onubí in mangaḻenea in mosiug takin bobay sundaḷ?

AMSAL 5:3

Bobay sundaḷ, bibignea ná koromimit in biluk bo tosingogonnea in mokosanang kon gina,

GALATIA 4:30

Táe tarukirabí inta pinais kon Buk Motusi, nanaa: “Poguntundon in bobay ata tanion takin ki adínea, sin adí inta nongkon bobay ata tatua in diábí motaau mogogabat kon kapunyaan moyotakin in adí inta nongkon bobay nobebas tua.”

ULANGAN 23:2

Intau inta pinononggadí kon ḷuai in nika bo bayongan in buínea modapot in bui noginpuḷú, diábí motaau iapon umat i Tuhan.

HAKIM MITA 11:1

Ki Yepta in tontara tobatú in motorindog bo mobarani. Sia in nogutun kon Gilead. Ki amánea in ki Gilead in tangoinea táe ki inánea in sundaḷ.

HAKIM MITA 11:3

Tuamai in ki Yepta nonaḷámaidon kon i utatnea mita bo minayá nogutun kon butá in Tob. Kon tua topaanan in intau moraat dinumugang kon inia bo minayá in mosia nogagow.