HAKIM MITA 11:17 - Alkitab Singog In Mongondow Masa In Tanaa

¹⁷ Onda intua mosia nopotabá in intau minayá kon i datu in Edom sin mopoigum bá ogoinea tumaḻib kon butánea. Táe diá inogoinea in mosia tumaḻib. Onda intua mosia in nopoigum doman natua kon i datu in Moab, táe diá doman inogoi i datu in Moab in mosia tumaḻib kon butánea. Tuamai umat in Israel nogutun kon Kades.

HAKIM MITA 11:17 Mawu Ofanana

PINOGIAPAN 20:1

Kon buḷan imitánea bayongan umat Israel nodapot kon padang gurun Zin bo nogutun notantú kon Kades. Ki Miryam minatoi bo iḷobong kon tua.

ULANGAN 1:46

“Nopaḷut mako kon tua kita in nogutunpa kon Kades noonggot totok.

ULANGAN 2:29

modapot in kami ḷumoḷan kon Ongkag in Yordan sin tumuot kon butá inta inogoi i Tuhan Allah nami kon i nami. Buí i Esau inta nogutun kon Edom bo intau mita in Moab inta nogutun kon Ar nobogoi domandon kon i nami nongin butá monia.’

YOSUA 24:9

Bo ki datu in Moab, inta ki Balak adí i Zipor, noḷawang kon i monimu. Sia nopotabá in intau minayá kon i Bileam adí i Beor bo nopoigum sinbá ki Bileam mongutuk kon i monimu.