HAKIM MITA 10:18 - Alkitab Singog In Mongondow Masa In Tanaa

¹⁸ Kon tua in rayat bo itoi mita nongkon suku mita in Israel nosiḻibóandon mongo oyúon in kon sigad monia tua in mobarani mayá moparang moḷawang kon bangusa in Amon. Aka oyúon in mobarani dá intau tatua in baḻíondon itoi kon bayongan in intau inta kon Gilead.

HAKIM MITA 10:18 Mawu Ofanana

YESAYA 34:12

Diá in datu in momarenta kon ḻipú tatua, bo bayongan in itoinea komintandon diá

HAKIM MITA 1:1

Naonda in ki Yosua minatoi, umat in Israel noḻibó kon i Tuhan, “Tuhan, suku táonda degá in kon sigad nami naa inta muna-munamai mayá monubu kon intau in Kanaan?”

HAKIM MITA 10:17

Kon dodai intua tontara in Amon nosadiadon sin mayá moparang. Mosia in nononḷoḷaigan kon Gilead.

HAKIM MITA 11:1

Ki Yepta in tontara tobatú in motorindog bo mobarani. Sia in nogutun kon Gilead. Ki amánea in ki Gilead in tangoinea táe ki inánea in sundaḷ.

HAKIM MITA 11:11

Dá nobuatdon in ki Yepta noyotakin in intau mita inta sinongguyanga kon Gilead. Bo sia in binaḻídon in intau mita in Gilead pongawasa bo itoi. Bo kon tayowon i Tuhan kon Mizpa, ki Yepta nopoigum in tuntutannea mita kon intau mita in Gilead.

HAKIM MITA 11:4

Diá noonggot kon tua intau in Israel sinubu in intau in Amon.

HAKIM MITA 12:7

Onom notaong in ki Yepta in nobaḻí itoi kon Israel. Onda intua sia minatoi bo iḷobong kon ḻipúnea tontaní tuata in kotá in Mizpa kon Gilead.

SAMUEL 1 17:25

“Indoiaika in sia!” mosia nosigumanan kon tobatú bo tobatú. “Indongogaika in tosingogon mita ponontotnea tatua! Ki Saul datu naton ain nodandi kon ki inekabí in mokoḻimod kon i Goliat, yo ogoiannea in tombuinag moḷoben. Popobuḷoi doman i datu in intau tatua kon i adínea bobay tobatú. Bo motoḷuadí in intau tatua in diádon moguboḻi kon pajak.”