HAKIM MITA 1:9 - Alkitab Singog In Mongondow Masa In Tanaa

⁹ Nopaḷut mako kon tua mosia minayá bui nonubu kon intau mita in Kanaan inta nogutun kon buḷud, bo kon obaga mita in buḷud; bo inta nogutun doman mita kon butá mita inta noingkag kon dotá in toḷatan,

HAKIM MITA 1:9 Mawu Ofanana

KINOBAḺIAN 12:9

Onda intua sia nonggingguputdon bui kon bobayáannea nongkon tampat tobatú mopobayá in tampat ibanea, nopobayá in toḷatan butá in Kanaan.

YOSUA 10:36

Nongkon Eglon, ki Yosua bo tontaranea notakod kon buḷud bo minayá in kotá in Hebron, bo nonubu

YOSUA 11:21

Kon tungkuḷ doman intua ki Yosua minayá noyopú kon bangusa in Enak, bangusa inta intaunea in mongoḷoben bo moitoi inta nogutun kon buḷud – kon Hebron, Debir, Anab, bo kon bayongan in buḷud in Yohuda bo Israel. Mosia iḻimod komintan i Yosua, bo kotá mita monia in pinayong.

YOSUA 12:8

Butá tatua in nongkon buḷud, kon sipangkoion in buḷud kon dotá in toyopan, Ḷopá in Yordan butá inta kon sipangkoion in buḷudnea, butá mita inta kon oyuk mita kon dotá in pomukaan, bo butá in padang gurun kon dotá in toḷatan. Butá mita tatua in pinogogutunandon in intau in bangusa Het, Amori, Kanaan, Peris, Hewi bo Yebus.

HAKIM MITA 1:10

bo kon kotá in Hebron, kotá inta dungkuḷmai sinangoian Kiryat-Arba. Kon tua intau in Yohuda nonaḷow kon inanakan in Sesai, Ahiman bo Talmai.

HAKIM MITA 1:8

Intau in Yohuda nonubu kon Yerusalem, bo nogagow poḷat nonurub kon kotá tatua bo noḻimod kon intau mita inta nogutun kon tua.