HAKIM MITA 1:10 - Alkitab Singog In Mongondow Masa In Tanaa

¹⁰ bo kon kotá in Hebron, kotá inta dungkuḷmai sinangoian Kiryat-Arba. Kon tua intau in Yohuda nonaḷow kon inanakan in Sesai, Ahiman bo Talmai.

HAKIM MITA 1:10 Mawu Ofanana

KINOBAḺIAN 23:2

sia in minatoi kon Hebron kon butá in Kanaan. Norobonoḷ totok in gina i Abraham kinopatoian i buḷoinea tua, sia in nongombaḷ.

KINOBAḺIAN 37:14

Guman i amánea, “Indoiaipa in kaadaan i guya-guyangmu bo paanan in bembé domba, bo bui angoi potaau kon inakó.” Dá pinotabáneadon in ki Yusup minayá nonaḷámai kon Ḷopá in Hebron. Diá noonggot kon tua nodapotdon in ki Yusup kon Sikhem.

MOHOHUTUBA 9:11

Kon dunia naa oyúonpa doman in inontongku: kon totandingan in diábí umuran intau inta moḻikat in mokountung, kon poparangan in diábí umuran intau moropot in mountung. Intau mobijaksana in diábí umuran mokouḻí kon oaidan. Bo intau mopandoi in diábí umuran mokouḻí kon kaoyúonan. Bo intau inta motaau totok diábí umuran mobaḻí ponango-nangoian. Sin ki inekabí kotugatanbí in ukur diá mopia.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

PINOGIAPAN 13:22

Muna-munamai mosia minayá kon dotá in toḷatan butá tatua bo noiyaput kon kotá in Hebron, tampat pinogutunan in intau mita in Ahiman, Sesai bo Talmai, buí i Enak. Hebron pinosindog noiuna pitu notaong nongkon kotá in Zoan kon Mesir.

PINOGIAPAN 13:33

Bo kami in nokoontong domandon kon intau mita inta ná ki tuyá, inta buí in intau Enak. Aka poyotongkaionmai monia tua yo kami naa in tongábí naonda bo pangkoḷá, bo tantú kon natuabí doman in anggapan monia kon inami.”

YOSUA 10:36

Nongkon Eglon, ki Yosua bo tontaranea notakod kon buḷud bo minayá in kotá in Hebron, bo nonubu

YOSUA 14:15

Koḻipod in Hebron sinangoi kotá in Arba. (Arba in intau mita inta totok in mongoḷoben nongkon sigad in bangusa in Enak.) Dá butá tatua in noamandon bo nobiag nosanang sin diádon bui sinuyayow in parang.

HAKIM MITA 1:20

Ná inta ain pinarenta i Musa, Hebron inogoi kon i Kaleb, sin koḻipod in toḷu nogolongan in inanakan buí i Enak in inuntundon i Kaleb nongkon kotá tatua.

HAKIM MITA 1:9

Nopaḷut mako kon tua mosia minayá bui nonubu kon intau mita in Kanaan inta nogutun kon buḷud, bo kon obaga mita in buḷud; bo inta nogutun doman mita kon butá mita inta noingkag kon dotá in toḷatan,