HABAKUK 3:6 - Alkitab Singog In Mongondow Masa In Tanaa

⁶ Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

HABAKUK 3:6 Mawu Ofanana

KINOBAḺIAN 49:26

gandum bo bungang. Barakat i Allah i amámu moiḻiu kon kaoyúonan in buḷud mita inta totokdon in noonggot. Poigumon mako moponagdon in bayongan barakat tatua kon uḷu i Yusup, kon ḻimonik in pogotnea. Siata in noiḷontú kon i utatnea mita.

AYUB 21:18

Nokoimontandon degá in mosia naonda bo wawa bo ḷobud inta inirup in deḷang bo tompot?

AYUB 9:5

Ki Allah in momamping kon buḷud takin diábí kotaa-taauanmai in intau, bo mopokaḻintuang pongin torú bo rogi.

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 104:32

Inindoian-Nea in butá bo pinomia-Nea nourot, buḷud mita iḻiai-Nea, dá iḻumuai in poyoknea.

MAZMUR 35:5

Biódon mako in mosia duduran in malaekat i Tuhan, naonda bo kepa pinoḷayug in tompot.

MAZMUR 68:16

Buḷud in Basan in buḷud inta motoyang, buḷud inta nobayong in tudunea.

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

MAZMUR 97:5

Buḷud mita in iḷumoḷayat naonda bo lilin kon tayowon i Tuhan, kon tayowon i Tuhan, mongongawasa in sinangkub in butá.

IḶUAIAN 15:14

Bangusa mita mouyot in mokodongog; intau mita in Pilistin bo itoi mita intau in Edom inagían in ondok. Intau mita in Moab inta motorindog gugur mako, intau mita in Kanaan dapoton doman in uyot.

IḶUAIAN 15:17

Bo Israel inatod-Mu kon tampat inta piniḻí-Mu popoutunan. Mosia in nogutun kon buḷud-Mu inta motusi, kon Baḷoi inta pinosindog-Mu takin ropot-Mu.

IḶUAIAN 19:18

Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

IḶUAIAN 21:31

Aka inta sinungoinea dapot in minatoi tatua tobatú ḷoḷaki ande bobay, yo atorang tatua in pakéonbí doman.

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YESAYA 51:8

Mosia in moyopúbí bo mobuḻi naonda bo pakeang kinaan in anoi bo kaeng bubuḷ in domba kinaan in sisik. Táe kasaḷamatan inta inogoi-Ku in mononoibí, kountungan-Ku in umuranbí oyúon modapot in adí bo ompu.”

MIKHA 5:8

Israel in monaḷowbí kon musungnea mita poḷat morimumud kon i monia komintan.

NAHUM 1:5

Buḷud mita mourot in kon tayowon-Nea; bo tombuḷudpa in notatomdon komintan. Aka ki Tuhan mamangoi, butá in moḷundan, dunia bo bayongan inta nogutun kon bonunea in mourot.

HABAKUK 1:12

Tuhan, nongkon koḻipodpabímai Ikobí in ki Allah. Iko in ki Allahku inta motusi bo mononoi. Tuhan, Allahku bo moḷoḷukadku, bangusa in Babel tatua in piniḻí-Mu bo binaḻí-Mu noropot sin mohukum kon inami.

HABAKUK 3:10

Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.

ULANGAN 32:8

Kon dodai in ki Inta Totok in Moḷantud nosilai kon butá, batúan bangusa sinantúdon in butánea takin ilah tobatú in nobaḻí pongawasa.

ULANGAN 33:15

Poigumon mako in buḷudnea mita inta nongkon tungkuḷ intua mopuḻing bungai in boyó inta totok in mopia.

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

HAKIM MITA 5:5

Buḷud mita in nodandú kon tayowon in pongawasa in Sinai, kon tayowon i Tuhan, Allah in Israel.