HABAKUK 2:13 - Alkitab Singog In Mongondow Masa In Tanaa

¹³ Bangusa mita inta pinotungkudmu yumoyiga totok táe diá in mangaḻenea, bo bayongan inta posindogon monia nodait kinaan in tuḷú. Tua komintan in noidoyonbí kon ibog i Tuhan Inta Totok in mokawasa.

HABAKUK 2:13 Mawu Ofanana

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 50:11

Ei moiko inta moibog mopobodito kon intau ibanea, moiko in yopúonbí in tomayámu tontaní. Ki Tuhanbí in mopobaḻí intua. Moiko in rorigaanbí totok.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

YEREMIA 51:58

Dinding in Babel inta mongoropot mita in rimumudon-Kubí modapot in motondodaidon in butá. Bonawangnea inta mongoḷantud in turubon-Kubí komintan. Diábí in mangaḻenea in inta ḷongasi in bangusa mita, sin komintan bungai in aid monia in kaanonbí in tuḷú. Akuoi, ki Tuhan Inta Totok in mokawasa, ain nosingog.”

YEREMIA 51:64

poḷat moguman, ‘Nanaa in mobaḻí kon Babel. Butá tanaa in moitaḷomdon bo diá bidon momuká bui popisí in bodito inta pinopoantug i Tuhan kon inia.’ ” Tosingogon mita i Yeremia nopaḷut kon naa.

MALEAKHI 1:4

Aka buí i Esau, intau mita in Edom tatua in noguman, “Kotá mita nami ain irimumud, táe buibí posindogon nami,” dá ki Tuhan in motubag, “Mosia in motaaubí moposindog bui, táe bui-Kubí umpagon in sia. Mosia in tangoionbí ‘Butá moraat’ bo ‘Bangusa inta kinotugatan in torú i Tuhan modapot in mononoi.’ ”