HABAKUK 2:11 - Alkitab Singog In Mongondow Masa In Tanaa

¹¹ Nodapotbí in batu mita kon dinding momaḷú sin mongutuk kon inimu, bo oigi mita in baḷoi mopobaḷú in natua.

HABAKUK 2:11 Mawu Ofanana

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

OMBAḶ 2:18

Ei dinding mita in Yerusalem, pokuanidon kon i Tuhan! Potutugdon in ḷuámu naonda bo tubig in ongkag inta moiḻig singgai doḷom. Tantúbí pongombaḷ, dika modoná modapot in awakmu moḷopí!

LUKAS 19:40

Dá ki Yesus in notubag, “Poguman-Kudon kon i monimu! Aka mosia naa bo kibio-biómaidon, yo batu bidon mita tanion in momaḷú.”

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

YOSUA 24:27

Nopaḷut mako kon tua ki Yosua noguman kon bayongan in intau kon tua, “Batu tanaa in mobaḻí sakusi naton. Bayongan in tosingogon inta siningog i Tuhan kon inaton, aindon siningog kon tayowon in batu tanaa. Dá batudon tanaa in mobaḻí sakusi kon i monimu, sin moponorop kon i monimu sinbá diá moḷawang kon i Allahmu.”

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”