HABAKUK 1:6 - Alkitab Singog In Mongondow Masa In Tanaa

⁶ Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.

HABAKUK 1:6 Mawu Ofanana

DATU MITA 2 24:1

Kon bonu in pinomarentaan in Datu Yoyakim, ki Nebukadnezar datu in Babel nonubu bo nopotungkud in Yohuda. Toḷu notaong in koonggotnea ki Yoyakin in sinumungkud kon i Nebukadnezar, táe noiduduimai kon tua nomarontak in sia.

DATU MITA 2 24:2

Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

TAWARIKH 2 36:6

Naonda in ki Nebukadnezar datu in Babel nogagow kon Yohuda, dinomoknea in ki Yoyakim, bo dinia kotogo-togot pinobayá in Babel.

YESAYA 23:13

Deemanbí bangusa in Asyur, táe bangusabí in Babel inta nopomayá mako in kotá in Tirus kinawasa in mahaḷuk moraat. Mosiabí doman inta noposindog in ḷangkeang mita pongongopungan, nogumpag kon poḷoḷukadannea mita bo nomaḻí kon kotá tatua norumbun.)

YEREMIA 13:20

Ki Tuhan in noguman kon intau in Yerusalem, “Taridiaidon! Musungmu mita in niondon taya-taya mangoi nongkon utuan! Kon onda in intau mita inta musti ḷukadan monimu bo inta totok in pongata-ngata mako monimu.

YEREMIA 21:4

nopotaau kon i Zedekia kon ki Tuhan, Allah in Israel, noguman nanaa, “Zedekia, Akuoi in monaḷowbí kon tontaramu inta tanaa koyogot in noparang nonayow kon i datu in Babel takin tontaranea. Pakakat mita in parang in tontaramu in sipunon-Ku kon yua-yuak in kotá.

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 30:5

“Akuoi in nokodongogdon karak in intau inta nourot, karak in intau moondok inta diá in dodamean.

YEREMIA 4:11

Wakutunea in moiangoibí intau in Yohuda bo intau in Yerusalem mokouḻí kon habar kon tompot mopatú nongkon padang gurun koyogotdon in mogirup mamagí kon i monia. Tompot tatua in deemanbí tompot biasamai inta tongá mopoḷayug in baḻeká,

YEREMIA 4:6

Tundúdon in daḷan mayá in Sion, Buḷud i Tuhan, ḷagidon poḷagui dika tongá kibio-biómai. Ki Tuhan in koyogotdon in mopoangoi in bodito bo korimumudan moḷoben nongkon utuan.

YEREMIA 4:8

Tuamai, pongombaḷ bo pogamuidon, pakédon in daing karong nobaḻí tomponuot in pinonogumatoian. Sin torú i Tuhan inta tumaga-tagab diápa doman nopiong nongkon Yohuda.

YEREMIA 5:15

Ei umat in Israel, ki Tuhan in tayo-tayowdon in mopoangoi in bangusa tobatú nongkon ḻipú moyayú sin monubu kon i monimu. Bangusa tatua in oyúondon nongkon dungkuḷpabímai, singognea in diábí komangaḻean monimu. Mosia in moropot totok,

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

YEHEZKIEL 16:40

Potabádon monia in intau mobarong mogandur in batu kon inimu, bo yingaton monia in kedang in awakmu.

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.

YEHEZKIEL 31:12

Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

YOËL 2:3

Naonda bo tuḷú inta momagong bo mokopokak yompaton monia in bayongan pinomuḷa. Kon dungkuḷ, butá tatua in naonda bo Eden, taman i Tuhan, noiduduimai kon tua, naondadon bo rawang in bungaion inta noingkag. Diádon onu bo onu in ki agatnea, diá in diá sinubu monia.