HABAKUK 1:16 - Alkitab Singog In Mongondow Masa In Tanaa

¹⁶ Onda intua ḷaḷa tatua in sinumba monia bo inogoian monia in sosumba kuruban, sin pinongin ḷaḷa tatua mosia in nokouḻídon kon rijiki nobayong totok bo nobaḻídon notomomon.

HABAKUK 1:16 Mawu Ofanana

MAZMUR 22:29

Sin ki Tuhanbí inta kitogi kawasa, Sia in nomarenta kon bangusa mita.

YESAYA 37:24

Iko in nopotabá mangoi in totabá sin mosingog kon uboḷ kon podoyon kon kobayong in kereta in parangmu, iko in nokopotungkudon kon buḷud mita inta totok in moḷantud kon Libanon. Iko in dumodia kon iko in nomupuḷdon kon pangkoi mita in ḷokuyúnea inta totok in moḷantud bo inta totok in mogaga, bo irumudak doman kon kayuonnea mita inta totok in moromon.

YEREMIA 44:17

Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.

YEREMIA 44:8

Nongonu sin moiko in nogaidbí kon inta mokopomuká kon torú-Ku? Moiko in namangoi bo nogutun kon Mesir, butá inta deeman moiko in kitogi, bo moiko in mosumba kon berhala bo moposumba in kuruban kon dewa mita in butá tatua! Degá moibog in moiko morimumud kon awakmu tontaní sinbá singkuḻeon in moiko in bayongan in bangusa kon dunia bo tangoimu in pakéondon mobaḻí kutukan?

YEHEZKIEL 28:3

Kainimukamai ikobí in mopando-pandoi in ki Danel, dá diá in rahasia in noibuni kon inimu.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

HABAKUK 1:11

Bo ná koḻikat in tompot nobuatdon in intau mita inta nopongata in ropotnea tontaní tatua.”

ULANGAN 8:17

Dá, dika mokoimontanmai in morai kon moikobí in noramuji takin ropotmu tontaní nodapot in moiko nobaḻí nobiag nooyúon.